Арманистон КХШТдан чиқиши мумкин

Бугун 19:552 дақиқа

Ушбу баёнотлар 7 июн куни Арманистонда бўлиб ўтадиган парламент сайловлари ҳамда Москва ва Ереван муносабатларининг кескинлашуви фонида янграмоқда.

Арманистон агар зарур деб ҳисобласа, Коллектив хавфсизлик шартномаси ташкилотидан (КХШТ) чиқади. Бу ҳақда мамлакат Бош вазири Никол Пашинян маълум қилди.

КХШТга аъзоликни сақлаб қолиш истиқболлари «Кучли Арманистон» блоки вакили Нарек Карапетян билан бўлиб ўтган сайловолди дебатлари чоғида муҳокама қилинди.

Карапетян Арманистон КХШТдаги иштирокини тўхтатгани ва бадалларни тўламаётганини эслатиб, ташкилотдан чиқишдан аввал Озарбойжон билан муносабатларда хавфсизлик кафилини топиш кераклигини таъкидлади.

Бунга жавобан Пашинян қарорни хорижий агентлар эмас, ўзлари қабул қилишини, давлат ва армиянинг ўзи кафил эканлигини билдирди. Шунингдек, у Александр Лукашенконинг яна Арманистонга кафил бўлишига йўл қўймаслигини таъкидлади.

Маълумот учун, Тоғли Қорабоғ Озарбайжон назоратига ўтганидан сўнг, Арманистон 2024 йилда ОДКБга аъзоликни музлатиб қўйган эди. 2026 йилнинг апрель ойида эса парламент спикери Ален Симонян агар Россия газ нархини оширса, Арманистон ОДКБ ва Евросиё иқтисодий иттифоқидан (ЕОИИ) чиқишини айтган.

Москва билан муносабатларнинг ёмонлашуви

Ушбу баёнотлар 7 июн куни Арманистонда бўлиб ўтадиган парламент сайловлари ҳамда Москва ва Ереван муносабатларининг кескинлашуви фонида янграмоқда. Россия Никол Пашинянни Ғарб давлатлари ва Европа Иттифоқи билан яқинлашишда айбламоқда.

Сўнгги ҳафталарда Россия ҳукумати Арманистондан бир қатор товарлар, жумладан, гуллар, «Джермук» минерал суви, сабзавотлар, кўкатлар, шафтоли, қулупнай ва балиқ олиб киришни тақиқлади.

Бунга жавобан Пашинян зарар кўрган экспортчиларга субсидиялар ажратишни ваъда қилди. Европа Иттифоқи эса Россиянинг иқтисодий босимига қарши туриш учун Арманистонга 50 миллион евро миқдорида ёрдам ажратишини эълон қилди.

Теглар

хавфсизлик.Арманистон Никол Пашинян сайловлар ЕОИИ Европа Иттифоқи Россия санкциялар ОДКБ

Мавзуга оид

Кеча 08:30

Россия чегаралари яқинида ядро қуроли пайдо бўлиши мумкин

Литва Вашингтон билан ўз ҳудудида ядро қуролини жойлаштириш эҳтимолини муҳокама қилмоқда.

Бугун 08:20

Европа Россиянинг иқтисодий босими остидаги Арманистонга ёрдам қўлини чўзди

Урсула фон дер Ляйеннинг айтишича, Москва арман товарларига экспорт чекловларини кенгайтириш орқали иқтисодий алоқалардан сиёсий босим қуроли сифатида фойдаланмоқда.

Бугун 15:45

Таиланд самолётларида повербанкларга янги қатъий чеклов жорий этилди

Таиланд авиация регулятори хавфсизлик сабаб самолётларда повербанклардан фойдаланишни тақиқлаб, янги ташиш қоидаларини эълон қилди.

Бугун 12:15

«Ўз урушингизни тугатишингиз мумкин». Зеленский Путинга мактуб ёзди

Зеленский Россия билан урушни якунлаш учун Путин билан учрашув ўтказиш ва бетараф давлатда музокара олиб бориш ташаббусини илгари сурди. Кремл ҳам мактуб билан танишиб чиққанини билдирди.

Кеча 15:02

Тўқаев давлат рамзларидан фойдаланиш қоидалари ўзгаришини эълон қилди

Қозоғистон президенти давлат рамзларининг нуфузини мустаҳкамлаш мақсадида улардан фойдаланиш тартибини белгиловчи қоидаларга ўзгартишлар киритилишини маълум қилди.

Кеча 21:30