АЁҚШларда тушум 3,3 трлн сўмга етди

Кеча 20:301 дақиқа

Ўзбекистонда автойўқилғи қуйиш шохобчалари тушуми май ойида 3,3 триллион сўмдан ошди. Нақдсиз тўловлар улуши эса 100 фоизга етди.

2026 йил май ойида Ўзбекистондаги автойўқилғи қуйиш шохобчалари (АЁҚШ) орқали амалга оширилган савдо тушуми 3 триллион 326,6 миллиард сўмни ташкил қилди. Бу ҳақда Марказий банк маълум қилди.

Таққослаш учун, 2025 йил май ойида мазкур кўрсаткич 2 триллион 932,6 миллиард сўм бўлган. Шу тариқа, бир йил ичида тушум ҳажми 393,9 миллиард сўмга ёки 13,4 фоизга ошган.

2024 йил май ойида эса АЁҚШлар орқали қайд этилган умумий савдо тушуми 2 триллион 175,8 миллиард сўмни ташкил этган.

Нақдсиз тўловлар улуши ошди

Марказий банк маълумотларига кўра, 2024 йил май ойида автойўқилғи қуйиш шохобчаларидаги нақдсиз тўловлар улуши 34 фоизни ташкил қилган бўлса, 2025 йилда бу кўрсаткич 36 фоизга етган.

2026 йил май ойида эса барча ҳисоб-китоблар нақдсиз шаклда қайд этилган ва ушбу кўрсаткич 100 фоизни ташкил этган.

Марказий банк қайд этишича, тушумнинг ўсиши нафақат савдо фаоллигининг ошиши, балки ҳисоб-китобларнинг ягона рақамли маълумотлар тизимида янада тўлиқ акс эта бошлагани билан ҳам боғлиқ бўлиши мумкин.

Теглар

Савдо АЁҚШ МарказийБанк Ёқилғи Тўловлар Рақамлаштириш

Мавзуга оид

Кеча 08:00

Суд тизимида ҳалол ва пок иш юритишни таъминлаш учун Комплаенс назорати ташкил этилади

Янги хизмат коррупциявий хавф-хатарларни аниқлаш, баҳолаш ва олдини олиш, қонунчилик ҳамда касб этикаси талабларига риоя этилишини мониторинг қилиш билан шуғулланади.

08.06.2026 | 21:45

Барча олий таълим муассасаларида «Тадбиркорлик асослари» фани ўқитилади

2026 йилда Ўзбекистон олийгоҳларини 320 минг нафар талаба битиради. Президент мазкур ёшларни иш билан таъминлаш ва тадбиркорликка жалб қилиш бўйича янги механизмларни кўриб чиқди.

Кеча 11:25

Қорақалпоғистонда крипто компанияларга янги имтиёзлар берилиши мумкин

Қорақалпоғистондаги «Besqala Mining Valley» махсус зонаси резидентлари учун криптоактивлар соҳасидаги йиғимларни бекор қилиш таклиф этилди.

Кеча 18:32

«Алоқабанк» сотилмаслиги мумкин: Fitch Ўзбекистондаги 7 та давлат банки рейтингини яхшилади

Давлат банклари рейтинги яхшиланиши Ўзбекистоннинг кредит рейтинги прогнози «барқарор»дан «ижобий»га ўзгариши фонида юз берди. Fitch «Алоқабанк» энди умуман хусусийлаштирилмаслиги мумкинлигини айтмоқда.

Кеча 17:37

16 ёшли ўғил болалар автоматик ҳарбий ҳисобга қўйилади

Ўзбекистонда ҳарбий ҳисобга олиш тизими рақамлаштирилиб, тиббий комиссиялар бекор қилинади. Шунингдек, ҳарбийлар учун ижара компенсацияси ва фуқаровий ходимлар маоши оширилмоқда.

Кеча 20:02

Тошкент халқаро инвестиция форуми: 99 давлатдан 8 мингдан зиёд иштирокчи кутилмоқда

Жорий йилги форумда қатор муҳим йўналишларни (жумладан, фармацевтика, қурилиш материаллари, транспорт-логистика, туризм ва таълим) қамраб олувчи инвестиция келишувларининг йирик тўпламини имзолаш режалаштирилган.