Банкларда автокредитлар фоизи энг паст даражага тушди
Марказий банк 2026 йил 18 май ҳолатига кўра, тижорат банклари томонидан аҳолига ажратилган микроқарз ва автокредитлар бўйича ўртача фоиз ставкаларини эълон қилди.
Марказий банк 2026 йил 18 май ҳолатига кўра, тижорат банкларининг микроқарз ва автокредитлар бўйича янги фоиз ставкаларини эълон қилди. Янги маълумотларга кўра, автокредитлар бўйича ўртача ставка 22 фоизгача пасайган бўлса, микроқарзлар бўйича ўртача ставка 29,1 фоизни ташкил этди.
Автокредитлар Марказий банк микроқарзлар ва автокредитлар бўйича ўртача фоиз ставкаларини эълон қилишни бошлагандан буён энг паст кўрсаткичга тушди. Ўтган ҳафтада ҳам автокредитлар энг паст даража, 22,3 фоизни ташкил этган эди.
Микроқарзлар
Микроқарзлар сегментида энг паст фоиз ставкаси 22,4 фоиз билан «Aloqabank»да қайд этилди. Кейинги ўринларда «Milliy bank» 23,9 фоиз ва «Infinbank» 24,4 фоиз билан жойлашди. Шунингдек, «Asia Alliance bank» 24,7 фоиз ва «Trastbank» 25,1 фоиз ставка таклиф қилмоқда.
Ўрта сегментда ставкалар асосан 25–30 фоиз оралиғида шаклланган. Жумладан, «BRB» 25,6 фоиз, «OFB» 25,8 фоиз, «Agrobank» 26,3 фоиз, «Mikrokreditbank» ва «Xalq banki» 26,7 фоиздан микроқарз ажратмоқда. «Asakabank» 26,9 фоиз, «SQB» 27,1 фоиз ва «Turon bank» 27,4 фоиз ставка таклиф этмоқда.
Юқори сегментда эса фоизлар сезиларли даражада юқори. «Garant bank»да 28,7 фоиз, «Universal bank»да 30,1 фоиз, «Poytaxt bank»да 30,5 фоиз ва «Madad Invest bank»да 31,6 фоиз қайд этилди. Энг юқори ставкалар «Hamkorbank» 32,2 фоиз, «Ipoteka bank» 33,3 фоиз, «Uzum bank» 34,2 фоиз, «TBC bank» 35,9 фоиз, «AVO bank» 39,9 фоиз, «Anor bank» 41,7 фоиз ва «Тенге банк» 42,5 фоизда кузатилди.
Автокредитлар
Автокредитлар бўйича энг паст ставка 18,7 фоиз билан «BRB»да қайд этилди. Шунингдек, «Garant bank» 19,6 фоиз ва «Apex bank» ҳамда «Davr bank» 20,1 фоиз ставка билан нисбатан арзон кредит таклиф қилмоқда.
Ўрта сегментда ставкалар 21–24 фоиз оралиғида шаклланган. Хусусан, «Hamkorbank» 21,1 фоиз, «Ipoteka bank» 21,2 фоиз, «SQB» ва «Octobank» 21,5 фоиз, «Aloqabank» 21,7 фоиз ҳамда «Ipak Yuli bank» 22 фоиз ставка билан автокредит ажратмоқда. «Milliy bank» ва «Asia Alliance bank»да бу кўрсаткич 23,6 фоизни ташкил этди.
Юқори сегментда эса «Asakabank» ва «Ziraat bank» 24 фоиз, «Agrobank» 24,7 фоиз, «Turon bank» 24,9 фоиз ва «Universal bank» 28 фоиз ставка билан автокредит таклиф қилмоқда.
