БМТ: Украинада беқиёс уй-жой инқирози юзага келди

Бугун 13:35681

Россиянинг кенг кўламли босқинидан кейин Украинада 10 фоиздан зиёд уй-жой фонди яроқсиз ҳолатга келди. 10,6 миллион одам ўз уйини тарк этган.

БМТ: Украинада беқиёс уй-жой инқирози юзага келди

БМТнинг Халқаро миграция ташкилоти (IOM) Украинадаги уй-жой вазияти бўйича янги ҳисобот эълон қилди. Унда мамлакат «беқиёс уй-жой инқирози»га дуч келаётгани қайд этилган. Бу — 2022 йилдаги Россиянинг кенг кўламли босқинидан 3,5 йил ўтишига қарамай ҳал қилинмаган муаммо ҳисобланади.

Ҳисоботга кўра, мамлакатда 236 мингдан ортиқ бино вайрон қилинган ёки шикастланган. Бу 2,5 миллион уй-жой бирлигига тўғри келади — Украинадаги умумий уй-жой фондининг тахминан 10 фоизи. Айниқса, Донецк ва Харкив областларидаги қуролли тўқнашувлар уй-жойларнинг бузилишига асосий сабаб бўлмоқда.

Украина ҳудудида ҳозирда 3,7 миллион ички кўчирилган шахс яшамоқда. Улардан икки кишидан бири уй ижараси учун даромадининг 50 фоизидан кўпроғини сарфлаяпти. Бу эса аҳолининг молиявий захираларини тугатиб, ижара бозоридаги талаб ва таклиф мувозанатини бузмоқда.

БМТ ҳисоботи шуни кўрсатмоқдаки, мамлакатда ижтимоий уй-жой танқислиги, ижара бозоридаги назоратсизлик ва аҳоли миграцияси уй-жойга эгалик қилиш имкониятларини кескин чекламоқда. Хусусан, 27 мингга яқин кўп қаватли уйлар ва 222,6 мингта хусусий хонадонлар шикастланган.

Миграция ташкилоти халқаро ҳамжамиятни Украинадаги уй-жой инқирозини бартараф этиш учун қўшимча ёрдам ва инвестициялар киритишга чақиради.

Теглар

Украина миграция БМТ Донецк уй-жой инқирози

Мавзуга оид

Кеча 23:26

Тарихий қарз: Африка ва Кариб давлатлари Британиядан қуллик учун товон пули талаб қилмоқда

CARICOM ҳамда Африка Иттифоқига аъзо давлатлар Британиядан асрлар давомида амалга оширилган қул савдоси учун расман кечирим сўраш ва товон пуллари тўлашни талаб қилмоқда.

Кеча 21:30

Дунёда ҳаво совиб бормоқда? Инсоннинг бунда айби йўқ? — Иқлимга оид мифларни парчалаш

Бразилияда бўлиб ўтаётган БМТнинг иқлим бўйича COP30 саммитида турли давлатлар вакиллари сайёрамиздаги иқлим ўзгаришларига қарши қандай курашиш бўйича тортишар экан, ижтимоий тармоқларда бу мавзуга оид турли мифлар тарқалишда давом этмоқда. Хўш, уларда асос борми?

13.11.2025 | 20:15

Туркиялик ҳакамлар ва футболчилар жазоланди

Туркия футбол федерацияси спорт гаровларида қатнашгани аниқланган 102 нафар футболчига нисбатан интизомий чоралар қўллади.

Бугун 13:25

Хитой АҚШга қарши: савдо урушида ким мағлуб бўлади?

Доналд Трамп ва Си Жинпингнинг Пусандаги учрашуви ярашиш билан якунланди. Томонлар вақтинчалик бир-бирига ён беришга келишиб олди. Аммо икки давлат ўртасидаги зиддиятдаги танаффус узоққа чўзилмайдиган кўринади. Савдо урушида ким ютқазади?

14.11.2025 | 16:55

Энг йирик метро тармоқларига эга 10 та давлат

Дунёда 180 дан ортиқ шаҳарлар ўз метро тизимларига эга. Аҳоли зичлиги ортиб бораётган мегаполислар учун метро нафақат тезкор транспорт воситаси, балки тирбандлик ва экологик босимни камайтиришда ҳал қилувчи инфратузилма сифатида қаралмоқда.

15.11.2025 | 19:45

Зеленскийнинг имижига зарба: коррупция иши унинг яқинларини қамраб олмоқда — NYT

Украина аҳолиси учун энг алам қиладигани — миллионлаб одамлар Россия ҳужумлари оқибатида кундалик электр ўчирилишлар билан қийналиб яшар экан, ана шу энергетика компаниясида ўғрилик содир бўлганидир.