Бўстонлиқда йирик шамол электр станцияси қурилмоқда
05.07.2025 | 11:302 дақиқа
Тошкент вилоятида 129 миллион кВт/соат электр энергияси ишлаб чиқаришга қодир шамол электр станцияси барпо этилмоқда. Бу лойиҳа иқтисодий ва экологик жиҳатдан юксак аҳамиятга эга.
Ўзбекистон Республикаси Президенти Шавкат Мирзиёев ташаббуси билан Бўстонлиқ туманида умумий қуввати 20 MW бўлган йирик шамол электр станцияси қурилмоқда. Бу ҳақда Тошкент вилояти ҳокимлиги маълум қилди.
Қайд этилишича, Бурчмулла ҳудудидан 10 гектар ер ажратилган ушбу лойиҳа йилига 129,6 млн kWh электр энергияси ишлаб чиқаради. Натижада 811 минг м³ табиий газ ёки 3,15 минг тонна кўмир тежалади.
«Атроф-муҳитга фойдаси билан бирга, бу иқтисодий жиҳатдан ҳам муҳим лойиҳа ҳисобланади. 28 млн долларга тенг бўлган қурилиш ишлари гранд маблағлари асосида олиб борилмоқда», дейилади хабарда.
