«Дизайн» жамоаси аъзоси Дилшодбек Мусабеков вафот этди
Кўплаб мухлислар меҳрини қозонган, иқтидорли санъаткор, «Дизайн» шоу жамоасининг аъзоси Дилшодбек Мусабеков оламдан ўтди. Бу ҳақда Vaqt.uz'нинг Маданият вазирлигидаги манбаси хабар берди.
Маълумотларга кўра, Мусабеков сўнгги йилларда оғир хасталик билан курашаётган бўлган. У ўтган йили «Миллий» телеканалидаги «Аёл қалби» кўрсатувига берган интервьюсида «Дизайн» жамоасининг 2023-йилги саккиз кунлик концерт жараёнлари кетаётган вақтда юрак хуружи сабаб комага тушиб қолгани ҳақида ҳам гапирган.
Маълумот учун: «Шуҳрат» медали совриндори Дилшодбек Мусабеков 1975 йил 13 июлда Андижон вилоятида туғилган. У ижоддаги фаолиятини турли ҳажвий кўринишлар ҳамда «Қувноқлар ва зукколар» (ҚВЗ) танловларидан бошлаган, бир қанча фильмларда ҳам роль ижро этган.
Vaqt.uz таҳририяти марҳумнинг оила аъзолари ва яқинларига, мухлисларига ҳамдардлик билдиради.
