Энг яхши микрокредит ва автокредит ставкаларини қайси банклар таклиф қилмоқда?

Марказий банк 2026-йил 15-июн ҳолатига кўра, тижорат банклари томонидан аҳолига ажратилган микроқарз ва автокредитлар бўйича ўртача фоиз ставкаларини эълон қилди.

Янги ҳафтада автокредитлар бўйича ўртача фоиз ставкаси 21,5 фоизни ташкил этди ва бир ҳафта аввалги кўрсаткич билан бир хил даражада сақланиб қолди. Шу билан бирга, бу кўрсаткич Марказий банк мазкур статистикани юритишни бошлаганидан бери кузатилган энг паст даражалардан бири бўлиб қолмоқда.

Микроқарзлар бўйича ўртача фоиз ставкаси эса 29,6 фоизга етди. Бу аввалги ҳафтадаги 29,4 фоизга нисбатан бироз юқорироқ кўрсаткич ҳисобланади.

Микроқарзлар

Микроқарзлар сегментида энг паст фоиз ставкаси 23,7 фоиз билан «Aloqabank»да қайд этилди. Кейинги ўринларда «Asia Alliance Bank» 24,2 фоиз, «Infinbank» 24,4 фоиз, «Trastbank» 25 фоиз ва «Миллий банк» 25,2 фоиз ставка билан жойлашди.

Шунингдек, «BRB» 26 фоиз, «Turonbank» 26,5 фоиз, «Xalq banki», «Mikrokreditbank» ва «OFB» 26,6 фоиздан, «Agrobank» 26,7 фоиз, «Asakabank» 26,9 фоиз ҳамда «SQB» 27,2 фоиз ставка билан микроқарз таклиф қилмоқда. «Garant bank»да бу кўрсаткич 28,1 фоизни ташкил этган.

Юқори сегментда эса «Poytaxt bank» 28,3 фоиз, «Universal bank» 30,1 фоиз, «Madad Invest Bank» 30,3 фоиз, «Apex Bank» 31 фоиз ва «Hamkorbank» 31,5 фоиз ставка таклиф қилмоқда.

Энг юқори ставкалар «Ipoteka bank» 33,4 фоиз, «Ipak Yo‘li bank» 34,3 фоиз, «Davr bank» 34,6 фоиз, «TBC bank» 35,9 фоиз, «Uzum Bank» 38 фоиз, «AVO Bank» 39,9 фоиз, «Anor bank» 41,3 фоиз ва «Tenge bank» 42,5 фоизда қайд этилди.

^{Манба: Марказий банк}

Автокредитлар

Автокредитлар бўйича энг паст ставка 18,8 фоиз билан «BRB»да қайд этилди. Кейинги ўринларда «Davr bank» 18,9 фоиз, «Garant bank» 20,5 фоиз ва «Aloqabank» 20,7 фоиз ставка билан жойлашди.

Шунингдек, «SQB» 21,3 фоиз, «Ipoteka bank» 21,6 фоиз, «Apex bank» ва «Hamkorbank» 21,9 фоиздан, «Ipak Yo‘li bank» 22,2 фоиз ҳамда «OFB» 22,5 фоиз ставка билан автокредит ажратмоқда.

Ўрта сегментда «Asakabank» 22,6 фоиз, «Mikrokreditbank» ва «Xalq banki» 23 фоиздан, «Trastbank» 23,1 фоиз, «Asia Alliance Bank» 23,4 фоиз ва «Миллий банк» 23,8 фоиз ставка таклиф қилмоқда.

Юқори сегментда эса «Agrobank» 24,5 фоиз ва «Turonbank» 25 фоиз ставка билан автокредит ажратмоқда. Маълумотларга кўра, банклар орасида энг юқори автокредит ставкаси 27,9 фоиз билан «Madad Invest Bank»да қайд этилган.

^{Манба: Марказий банк}