Эрон пойтахтни кўчириш ниятидан воз кечди

Эрон пойтахтини Теҳрондан бошқа жойга кўчириш масаласи кун тартибидан олиб ташланди. Шаҳардаги сув танқислиги муаммосини ҳал қилиш учун Форс кўрфазидан сув олиб келиш лойиҳаси ишлаб чиқилди. Бу ҳақда Ислом Республикаси президентининг денгиз ресурсларини бошқариш бўйича вакили Али Абдолализода маълум қилди.

«Пойтахтни кўчириш масаласи кун тартибидан чиқарилди. Якуний режа пойтахтнинг сув ва экологик муаммоларини янги технологиялар ҳамда Теҳроннинг ўзида ресурсларни бошқариш орқали ҳал этишдан иборат», - дея унинг сўзларидан иқтибос келтирди Tasnim агентлиги.

Эрон президенти вакилининг таъкидлашича, маҳаллий мутахассислар томонидан Теҳронни сув билан таъминлашнинг ягона ишончли манбаи ҳисобланган Форс кўрфазидан сув олиб келиш бўйича улкан лойиҳа ишлаб чиқилган.

Абдолализоданинг айтишича, сув инқирози нафақат Эронга, балки минтақанинг кўплаб мамлакатларига таҳдид солмоқда. «Иқлим ўзгариши ва чучук сув захираларининг камайишини ҳисобга олган ҳолда, сувни чучуклаштириш технологияларини ривожлантириш ва шўр сувдан фойдаланиш муқаррар заруриятга айланди», - дея у қўшимча қилди.

Эрон метеорология хизмати маълумотларига кўра, сўнгги бир ярим ой ичида мамлакатда ёғингарчилик миқдори ўтган йилларнинг шу даврига нисбатан ўртача 86,5 фоизга камайган. Теҳронда эса бу кўрсаткич 96,2 фоизга пасайган. Илгари Эрон расмий идоралари Теҳронда ёғингарчиликнинг камайиши, қурғоқчилик туфайли сув омборларининг қуриши ва ҳаддан ташқари истеъмол сабабли пойтахтда сув танқислиги юзага келиши мумкинлиги ҳақида огоҳлантирган эди.

Энергетика вазири Аббос Алиободийнинг таъкидлашича, яқин келажакда назорат органлари шаҳарни сув билан таъминлашни вақтинча чеклаши мумкин. Шунингдек, у аҳолини сув тўплагичлар ўрнатишга ва узилишлар юз берган тақдирда сув захирасини тўплаб қўйишга чақирди. Аввалроқ Эрон расмий идоралари Теҳронда ёғингарчиликнинг камайиши, қурғоқчилик туфайли сув омборларининг қуриши ва ҳаддан ташқари истеъмол сабабли пойтахтда сув танқислиги юзага келиши мумкинлиги ҳақида огоҳлантирган эди.

Энергетика вазири Аббос Алиободийнинг таъкидлашича, яқин келажакда назорат органлари шаҳарни сув билан таъминлашни вақтинча чеклаши мумкин. Шунингдек, у аҳолини гидроаккумуляторлар ўрнатишга ва узилишлар юз берган тақдирда сув захирасини тўплашга чақирди.