Эрон танҳоликда қолди: Россия ва Хитой унга ёрдамга шошилмади
07.07.2025 | 08:303 дақиқа
Сўнгги воқеалар Эрон режимининг ҳақиқий ёлғизлигини кўрсатди. The New York Times нашрининг ёзишича, Россия, Хитой, Эрон ва КХДР бирлаштириладиган «автократлар ўқи» концепцияси амалда йўққа чиқди.
Исроил ва АҚШ томонидан Эрон ҳудудлари бомбардимон қилинганида бу давлатлар амалий ёрдам кўрсатмади, фақат расмий баёнотлар билан чекланишди.
Россия Украинадаги урушда Хитой, КХДР ва Эрондан ёрдам олгани қайд этилган, аммо Эрон бомбардимон қилинганида улар ёрдам қўлини чўзмади. Россия ва Хитойнинг баёнотлари ортидан ҳеч қандай моддий ёрдам кузатилмади.
Карнеги маркази директори Александр Габуев таъкидлашича, ҳар бир давлат ўз манфаатини биринчи ўринга қўяди, шу боис улар бошқа давлатларнинг урушларига аралашишни истамайди. Бу эса «автократлар ўқи» ғоясининг асоссизлигини кўрсатади.
Россия ва КХДР ўртасида ўзаро мудофаа шартномаси мавжуд, натижада Шимолий Корея Россияга қурол етказиб бериб, 14 мингдан ортиқ ҳарбий хизматчисини Украинадаги жангларга юборган.
Жон Ҳопкинс университети тарихчиси Сергей Радченконинг таъкидлашича, Путин ўз стратегик манфаатларини кўзлайди ва агар керак бўлса, Эронни қурбон қилишдан тортинмайди. Унинг сўзларига кўра, бу муносабат ўзаро бир хил: Теҳрон ҳам худди шундай позицияда.
Мутахассислар бу давлатларни фақат Ғарбга нисбатан душманлик ва санкцияларни четлаб ўтишдаги манфаат боғлаб туради, биргаликда ҳаракат ёки умумий қимматликлар йўқ.
