Германия элчиси Манфред Ҳутерер Ўзбекистондаги миссиясини якунламоқда

Бугун 10:551 дақиқа

Манфред Ҳутерер Германиянинг Ўзбекистондаги фавқулодда ва мухтор элчиси сифатида 2024 йил июль ойидан буён фаолият юритиб келаётган эди.

Германия элчиси Манфред Ҳутерер Ўзбекистондаги миссиясини якунламоқда

Германиянинг Ўзбекистондаги фавқулодда ва мухтор элчиси Манфред Ҳутерер мамлакатдаги дипломатик миссиясини якунламоқда. Шу муносабат билан Ўзбекистон ташқи ишлар вазири Бахтиёр Саидов элчи билан учрашув ўтказди.

Учрашувда Манфред Ҳутерернинг Ўзбекистондаги фаолияти давомида икки давлат ўртасидаги сиёсий мулоқот мустаҳкамланиб, олий даражадаги ташрифлар самарали ташкил этилгани ҳамда кўп қиррали ҳамкорлик янги босқичга кўтарилгани қайд этилди.

Ташқи ишлар вазири Бахтиёр Саидов элчига Ўзбекистон ва Германия муносабатларини ривожлантиришга қўшган ҳиссаси учун миннатдорлик билдириб, келгуси фаолиятига муваффақият тилади.

Манфред Ҳутерер Германиянинг Ўзбекистондаги фавқулодда ва мухтор элчиси сифатида 2024 йил июл ойидан буён фаолият юритиб келаётган эди.

Унга қадар у Германиянинг Беларусдаги элчиси лавозимида ишлаган. Ўзбекистондаги дипломатик миссияси давомида икки мамлакат ўртасидаги сиёсий, иқтисодий ва гуманитар ҳамкорликни ривожлантиришга қаратилган қатор учрашув ва ташаббусларда иштирок этган.

Эслатиб ўтамиз, аввалроқ Озарбойжоннинг Ўзбекистондаги элчиси 14 йиллик миссиясини якунлагани ҳақида хабар берган эдик.

Теглар

дипломатия Германия элчи ҳамкорлик Ўзбекистон МанфредҲутерер

Мавзуга оид

14.07.2026 | 23:20

Туркия суди Нетаняҳуни ҳибсга олишга халқаро ордер берди

Аввалроқ, Эрдўған Нетаняҳуга қарата қатъий огоҳлантириш бериб, у тез орада бутун дунё мусулмонларидан «тегишли сабоқ олишини» таъкидлаган эди.

14.07.2026 | 10:29

Ўзбекистонлик Богдан Гусков UFC собиқ чемпиони Магомед Анкалаевга қарши жанг қилади

Улар 25-июль куни бўлиб ўтадиган UFC Абу-Даби турнирининг марказий жангида куч синашади.

13.07.2026 | 20:00

Президентнинг узоқ йиллик вакиллари

Ўзбекистонда ҳоким бўлиш қийинми ёки ҳоким бўлиб қолиш? Ҳар йили айрим ҳокимлар ишдан олинади, айримлари узоқ ҳудудга юборилади. Баъзилари эса бир танқид, бир хато ёки битта кескин йиғилишдан кейин курсиси билан хайрлашади. Лекин шундай амалдорлар ҳам борки, улар учун ҳокимлик гўё вақтинчалик лавозим эмас. Улар бир ҳудуддан бошқасига ўтади, аммо ҳокимлик курсиси қўлдан кетмайди.

Кеча 19:56

Жанубий Корея президенти уйсиз қолганини айтди

У ўзининг ягона квартирасини сотиб юборган.

14.07.2026 | 08:20

«Биз текинга қўриқламаймиз»: АҚШ Ҳўрмуз бўғозини қўриқлагани учун ҳақ ундирмоқчи

Трампнинг таъкидлашича, Вашингтон ушбу муҳим сув йўлини ўнлаб йиллар давомида текинга қўриқлаган, энди эса ушбу харажатларни «бой давлатлар» қоплаши керак.

14.07.2026 | 22:25