Глобал бозор сари йўл: Ўзбекистон ва Ҳиндистон ўртасида муҳим баённома имзоланди

Бугун 09:492 дақиқа
ЎЗБEКИСТОН
|
Иқтисодий алоқалар

Ўзбекистоннинг Жаҳон савдо ташкилотига аъзо бўлиш жараёнида яна бир босқич якунланди.

Глобал бозор сари йўл: Ўзбекистон ва Ҳиндистон ўртасида муҳим баённома имзоланди © Foto: linkedin.com

Ўзбекистон Жаҳон савдо ташкилотига аъзо бўлиш жараёни доирасида Ҳиндистон билан бозорга кириш масалалари бўйича икки томонлама музокараларни муваффақиятли якунлади.

Мамлакат Президентининг ЖСТ бўйича вакили Азизбек Уруновнинг маълум қилишича, бозорга кириш бўйича асосий келишув 2024 йилдаёқ шаклланган. Бироқ баённома матнини мувофиқлаштириш ва техник текширув жараёнлари қўшимча вақт талаб қилган.

«Бугун, ниҳоят, биз Ҳиндистон билан 2024 йилда келишилган бозорга кириш бўйича музокаралар якунлангани тўғрисидаги Баённомани имзоладик», — деди Урунов.

Унинг таъкидлашича, Ҳиндистон музокаралар давомида конструктив ёндашув намойиш этган ва Ўзбекистоннинг ЖСТга аъзо бўлиш ҳаракатларини қўллаб-қувватлаган.

Расмий вакил ушбу жараёнда фаол иштирок этган Ўзбекистоннинг Ҳиндистондаги элчиси Сардор Рустамбаев ҳамда Ҳиндистоннинг Ўзбекистондаги элчиси Смита Пантга миннатдорлик билдирди. Шунингдек, музокараларга ҳисса қўшган Ҳиндистон расмийлари ҳам алоҳида тилга олинди.

2026 йилгача ЖСТга қўшилиш режаси

Ўзбекистон ҳукумати Жаҳон савдо ташкилотига аъзо бўлиш жараёнини жадаллаштирмоқда. Расмий Тошкент мамлакатнинг ташкилотга киришини 2026 йилда Камерунда ўтказилиши режалаштирилган 14-вазирлар конференциясига қадар якунлашни мақсад қилган.

Сўнгги йилларда Ўзбекистон қатор давлатлар билан муҳим келишувларга эришди. Хусусан, 2024 йилда Япония, Исроил, Доминикан Республикаси, АҚШ, Хитой ва Филиппин билан музокаралар якунланди. 2025 йилда эса Буюк Британия, Швейцария, Аргентина, Австралия, Ҳондурас, Канада, Панама, Эквадор ҳамда Европа Иттифоқи давлатлари билан бозорга кириш бўйича келишувлар имзоланди.

Теглар

ҲиндистонсавдоЖСТАзизбек Ўруновинвестицияиқтисодиёт

Мавзуга оид

АҚШ Давлат котиби ўринбосари Ўзбекистонга ташриф буюради
Кеча 09:30

АҚШ Давлат котиби ўринбосари Ўзбекистонга ташриф буюради

АҚШ жамоат дипломатияси масалалари бўйича давлат котиби ўринбосари Сара Роджерс 27 майдан 10 июнгача Ҳиндистон, Непал, Ўзбекистон ва Туркманистонга расмий ташриф билан боради.

Хитой компанияси қурадиган пулли йўл, Тошкентга 3,5 млрд долларлик инвестиция ва бир кунлик расмий иш — 28-май дайжести
Кеча 23:00

Хитой компанияси қурадиган пулли йўл, Тошкентга 3,5 млрд долларлик инвестиция ва бир кунлик расмий иш — 28-май дайжести

Кун давомида Ўзбекистонда юз берган воқеалар ва ҳодисалар, ёритилган янгиликлар ва хабарларнинг энг муҳимларини яна бир бор эсга оламиз.

Назорат-касса тизимида электрон чек ва маркировка қоидалари ўзгариши мумкин
Кеча 13:50

Назорат-касса тизимида электрон чек ва маркировка қоидалари ўзгариши мумкин

Ўзбекистон ҳукумати иқтисодиётдаги хуфиёна айланмани қисқартириш ва савдо соҳасида ҳисоб-китоб тизимини рақамлаштиришга қаратилган янги қарор лойиҳасини жамоатчилик муҳокамасига қўйди.

Кафе ва ресторанларда бир кунлик расмий ишга қабул қилиш жорий этилади
Кеча 16:44

Кафе ва ресторанларда бир кунлик расмий ишга қабул қилиш жорий этилади

Ўзбекистонда 2026 йил 1 июндан бошлаб кафе, ресторан ва умумий овқатланиш соҳасида ходимларни қисқа муддатга — ҳатто бир кунлик ёки бир ҳафталик асосда ҳам расман ишга қабул қилиш имкони яратилади.

Шавкат Мирзиёев амалий ташриф билан Қозоғистонга боради
Кеча 19:57

Шавкат Мирзиёев амалий ташриф билан Қозоғистонга боради

Ўзбекистон президенти Шавкат Мирзиёев 29 май куни Олий Евроосиё иқтисодий кенгашининг навбатдаги йиғилишида кузатувчи давлат раҳбари мақомида иштирок этади.

Тошкент учун 3,5 млрд долларлик инвестиция ва экспорт келишувлари имзоланди
Кеча 10:15

Тошкент учун 3,5 млрд долларлик инвестиция ва экспорт келишувлари имзоланди

Тошкент шаҳрида дренаж ва ёмғир сувларини чиқариш тизимини модернизация қилиш учун 400 млн долларлик лойиҳа амалга оширилади. Бу келишув доирасида имзоланган йирик инвестиция пакетининг бир қисми бўлди.