Исроиллик кўчманчилар ўтган ой Ал-Ақсо масжидига 27 марта бостириб кирди
Ал-Ақсо масжиди мусулмонлар учун дунёдаги учинчи муқаддас зиёратгоҳ ҳисобланади.
Бугун, 5 ноябр куни эълон қилинган расмий маълумотларга кўра, ўтган ойда ноқонуний исроиллик кўчманчилар босиб олинган Шарқий Қуддусдаги Ал-Ақсо масжиди ҳудудига 27 марта бостириб киришган.
Фаластин вақф ва диний ишлар вазирлиги ойлик ҳисоботида хабар беришича, Исроил кучлари ва ноқонуний манзилгоҳчилар октябр ойида масжид ҳовлисига бостириб кириб, Талмуд маросимлари ва рақсларини ижро этишган ҳамда ўсимлик қурбонликларини келтиришган.
Вазирлик маълумотларига кўра, 2022 йилда Исроил миллий хавфсизлик вазири лавозимини эгаллаган ўта ўнг қанот етакчиси Итамар Бен-Гвир Ал-Ақсо масжиди мажмуасига 13 марта, жумладан, 2023 йил октябрда Исроилнинг Ғазога қарши уруши бошланганидан бери 10 марта бостириб кирган.
Ал-Ақсо масжиди мусулмонлар учун дунёдаги учинчи муқаддас зиёратгоҳ ҳисобланади. Яҳудийлар бу ҳудудни Маъбад тоғи деб аташади ва бу ерда қадимги даврда иккита яҳудий ибодатхонаси бўлганини даъво қилишади.
Исроил 1967 йилги араб-исроил уруши пайтида Ал-Ақсо жойлашган Шарқий Қуддусни босиб олган. У 1980 йилда бутун шаҳарни ўзига қўшиб олган, аммо бу ҳаракат халқаро ҳамжамият томонидан ҳеч қачон тан олинмаган.
