ЖЧ-2026: Очилиш ўйинидан финалгача бўлган асосий саналар рўйхати

2026 йилги футбол бўйича Жаҳон чемпионати 11 июн куни бошланиб, 19 июлга қадар давом этади. Мусобақа тақвими ва муҳим саналари тасдиқланди. Бу ҳақда «Al Jazeera» маълум қилди.

39 кунлик турнир АҚШ, Канада ва Мексика давлатларида бўлиб ўтади. Унда Лионел Месси, Криштиану Роналду, Килиан Мбаппе каби юлдузлар билан бир қаторда Ламин Ямал ва Арда Гулер каби ёш иқтидорлар иштирок этади.

Турнирнинг муҳим саналари ва ўйинлари

Очилиш ўйини 11 июн куни Мехико шаҳрида Мексика ва Жанубий Африка терма жамоалари ўртасида бўлиб ўтади.

Бошқа муҳим саналар қуйидагича тақсимланган:

• 12 июн: Канада - Босния ва Герсеговина, АҚШ - Парагвай (бошқа ҳамкор мезбонларнинг очилиш ўйинлари).
• 14 июн: Германия - Кюрасао (Кюрасао Жаҳон чемпионатида ўйнаган энг кичик давлатга айланади).
• 15 июн: Испания - Кабо-Верде (Кабо-Верденинг турнирдаги дебюти).
• 16 июн: Аргентина - Жазоир, Австрия - Иордания (Аргентина чемпионлик ҳимоясини бошлайди, Лионел Месси ўзининг олтинчи ЖЧсида майдонга тушади; Иордания биринчи марта ЖЧ ўйинини ўтказади).
• 17 июн: Португалия - Конго ДР, Ўзбекистон - Колумбия (Криштиану Роналду олтинчи бор ЖЧда қатнашади; Ўзбекистон тарихда биринчи марта Жаҳон чемпионатида ўйнайди).
• 27 июн: Гуруҳ босқичи якунланади.
• 28 июн - 3 июл: 1/16 финал (32 та жамоа иштирокидаги босқич).
• 4-7 июл: 1/8 финал (Нимчорак финал).
• 9-11 июл: Чорак финал.
• 14-15 июл: Ярим финал.
• 18 июл: Учинчи ўрин учун бронза медали баҳси.
• 19 июл: Жаҳон чемпионати финали.

Гуруҳ босқичининг энг марказий ўйинлари

«Al Jazeera»га кўра, гуруҳ босқичидаги энг яхши ўйинлар қуйидаги саналарда бўлиб ўтади:

• 13 июн: Бразилия - Марокаш (C гуруҳи)
• 14 июн: Нидерландия - Япония (F гуруҳи)
• 16 июн: Франция - Сенегал (I гуруҳи)
• 17 июн: Англия - Хорватия (L гуруҳи)
• 18 июн: Мексика - Жанубий Корея (А гуруҳи)
• 20 июн: Германия - Кот-д'Ивуар (E гуруҳи) ва Нидерландия - Швеция (F гуруҳи)
• 22 июн: Норвегия - Сенегал (I гуруҳи) ва Аргентина - Австрия (J гуруҳи)
• 24 июн: Жанубий Африка - Жанубий Корея (А гуруҳи)
• 25 июн: Япония - Швеция (F гуруҳи)
• 26 июн: Норвегия - Франция (I гуруҳи) ва Уругвай - Испания (H гуруҳи)
• 27 июн: Колумбия - Португалия (K гуруҳи)