«Жосуслик қилмоқда» — Исроил армияси зобитлардан Хитой автомобилларини қайтариб олмоқда

Кеча 16:555111

Исроил мудофаа армияси (ЦАҲАЛ) юқори унвонли зобитларга берилган Хитойда ишлаб чиқарилган хизмат автомобилларини хавфсизлик хавотирлари туфайли қайтариб олишни бошлади. Тақиқ асосан Chery ва BYD каби моделларга тааллуқли бўлди.

«Жосуслик қилмоқда» — Исроил армияси зобитлардан Хитой автомобилларини қайтариб олмоқда

Исроилда ЦАҲАЛ юқори лавозимли офицерлар ихтиёрида бўлган хитой автомобилларини қайтариб олиш жараёнини бошлади. Бу ҳақда «Калкалист» ва «Исраэл Ҳайом» нашрлари мамлакат мудофаа вазирлиги хавфсизлик бўйича чиқарган расмий огоҳлантирувига таяниб хабар берди.

Маълумотларга кўра, армия тахминан 700 га яқин Хитойда ишлаб чиқарилган автомобилини, асосан Chery Tiggo 8 Pro моделини қайтармоқда. Ушбу етти ўринли кроссоверлар 2022 йилдан бери кўп болали зобитларга хизмат автомобили сифатида тақдим этиб келинган.

ЦАҲАЛ ҳозирча расмий изоҳ бермаган бўлса-да, бу қарор мамлакат мудофаа вазирлиги томонидан илгари берилган хавфсизлик тавсияларига мос равишда қабул қилинган.

Аввалроқ, 2025 йил бошида Исроил ҳарбийлари Хитой автомобилларига ҳарбий базаларга киришни тақиқлаган эди — сабаби, улардаги сенсорлар ва камералар махфий маълумотларни йиғиб, Хитой серверларига узатиши мумкинлиги ҳақидаги шубҳалар эди.

Le Figaro нашрининг ёзишича, Исроил мудофаа вазирлиги айрим хитойча моделларни «энг махфий ҳарбий объектлар» ҳудудларига киришдан мутлақо ман этган. Шунингдек, ҳукумат давлат харидлари рўйхатидан Хитой электромобиллари — BYD ва бошқа бир неча брендларни чиқариб ташлаган.

Манбалар таъкидлашича, қарорнинг асосий сабаби — бу автомобиллар жосуслик фаолияти учун «маълумот йиғиш платформаси» сифатида фойдаланилиши мумкинлигидан хавотир. Шу муносабат билан ЦАҲАЛ ва мудофаа вазирлиги 2026 йил бошига қадар Хитой автомобилларидан бутунлай воз кечишни режалаштирмоқда.

Теглар

Исроил Хитой ЦАҲАЛ хавфсизлик BYD Chery

Мавзуга оид

30.10.2025 | 09:22

Владимир Путин: «Уруш русларнинг генларида бор»

Владимир Путин Украинага қарши урушда иштирок этган ҳарбийлар билан учрашувда рус халқи «урушга генетик мойил» эканини айтди. Унинг сўзларига кўра, «бу хислат халқ қонида бор».

29.10.2025 | 09:11

Nvidia Nokia компаниясига 1 млрд доллар инвестиция киритади

Инвестиция доирасида Nvidia компаниянинг 2,9 фоиз акцияларини сотиб олади ва 5G ҳамда 6G тармоқлари соҳасида ҳамкорликни йўлга қўяди.

31.10.2025 | 19:26

Мирзиёев ва Стубб кўп қиррали ҳамкорликни муҳокама қилдилар

Шавкат Мирзиёев ва Александр Стубб учрашувида сиёсий, иқтисодий, инвестициявий ҳамда инновацион соҳаларда ҳамкорликни чуқурлаштириш, умумий қиймати 1 млрд евролик қўшма лойиҳаларни амалга ошириш масалалари муҳокама қилинди.

31.10.2025 | 20:12

«Мадуронинг вақти тугаб бормоқда»: Трамп Венесуэла масаласида қарор қабул қилди

Доналд Трамп маъмурияти Венесуэладаги ҳарбий объектларга зарба бериш тўғрисида қарор қабул қилди. Бу ҳужумлар яқин кунларда ёки ҳатто бир неча соат ичида амалга оширилиши мумкин.

01.11.2025 | 19:25

«Мелисса» довули 50 млрд долларлик иқтисодий зарар келтирди

Кариб денгизи ҳавзасидаги «Мелисса» довули Ямайка ва Кубани вайрон қилди. 185 миля/соат тезликда ҳаракатланган табиий офат оқибатида камида 50 киши ҳалок бўлган.

01.11.2025 | 20:25

Россия электромобилларни Қрим кўпригидан ўтишни тақиқлади

3 ноябрдан бошлаб Қрим кўприги орқали электромобил ва ҳибрид автоуловлар ҳаракати тақиқланади. Ҳукумат бу қарорни антитеррор хавфсизлиги талаблари билан изоҳламоқда.