ЖСТга аъзолик бўйича музокара: Россия қарийб рози, битта Тайван қолди

Бугун 07:588341 Дақиқа

Москвада ўтган учрашувда Россия билан барча асосий масалалар бўйича келишувга эришилди, фақат техник жиҳатлар қолди.

ЖСТга аъзолик бўйича музокара: Россия қарийб рози, битта Тайван қолди

Президентнинг ЖСТ масалалари бўйича махсус вакили Азизбек Уруновнинг маълум қилишича, Москвада Ўзбекистоннинг Жаҳон савдо ташкилотига аъзо бўлиши бўйича Россия билан музокаралар юзасидан самарали учрашув ўтказилди. Музокаралар деярли якунига етган: асосий мазмунли масалалар тўлиқ келишиб олинган, фақат техник деталларни якунлаш қолган.

Ўзбекистон делегацияси номидан Россия иқтисодий ривожланиш вазири Максим Решетников, директор Екатерина Майорова, элчи Николай Платонов ва бошқа музокарачиларга аниқлик ва конструктив ёндашув учун миннатдорлик билдирилди.

Ўзбекистон ва Россия ўртасидаги музокаралар дунё савдо тизимидаги ҳамкорликнинг муҳим босқичи бўлиб, ЯИҲга қўшилиш жараёнида ҳал қилувчи аҳамиятга эга. Женевада декабр ойида бўлиб ўтадиган ЖСТ Бош кенгаши йиғилишида ушбу икки томонлама келишувни расман эълон қилиш режалаштирилган.

Шу билан Ўзбекистонга фақат Хитой Тайпейи (Тайван) билан қолган икки томонлама музокараларни якунлаш қолди.

Айни пайтда Ўзбекистон делегацияси АҚШ пойтахти Вашингтонда бўлиб турибди. У ерда икки томонлама ва ЖСТ доирасидаги ҳамкорликни янада илгарилатиш мақсадида расмий учрашувлар ўтказилмоқда.

Аввалроқ Ўзбекистон Эквадор, Канада ва Панама билан ЖСТга аъзолик бўйича келишувларини якунлагани ҳақида хабар берган эдик.

Теглар

Россия Ўзбекистон музокара ЖСТ Азизбек Ўрунов

Мавзуга оид

23.11.2025 | 13:04

Фармацевтика маҳсулотлари бўйича давлат харидлари янги модул орқали амалга оширилади

Ҳукумат қарори билан давлат хариди электрон тизими операторининг электрон тизимида «Farma.xarid.uz» модули яратилади. Давлат харидлари мажбурий равишда ушбу модул орқали амалга оширилади.

23.11.2025 | 17:30

S&P Ўзбекистоннинг суверен рейтингини «BB»га оширди

Халқаро рейтинг агентлиги S&P мамлакат рейтингини яхшилаб, рекорд даражадаги олтин-валюта захираларини Ўзбекистоннинг молиявий барқарорлигида ҳал қилувчи омил сифатида қайд этди.

19.11.2025 | 17:55

Вазирлар Маҳкамасига ҳам дарахт кесиш ва кўчиришга рухсат бериш тақиқланди

Президент қарори билан дарахт ва буталарни кесиш ёки кўчиришга доир ҳужжатлар чиқариш қабул қилиш қатъий тақиқланади.

19.11.2025 | 12:40

Экология вазирлиги Вазирлар Маҳкамасидан мустақил қўмитага айлантирилди

Президент фармонига кўра, экологик сиёсат ва назоратни кучайтириш мақсадида вазирлик ўрнига мустақил Экология ва иқлим ўзгариши миллий қўмитаси ташкил этилди, Туризм қўмитаси эса алоҳида органга айлантирилди.

22.11.2025 | 17:20

Умуммиллий экологик муаммоларни бартараф этиш жамғармаси тузилиб, унга 900 млрд сўм ажратилди

Ўзбекистонда ташкил этилган янги экологик жамғармага 900 миллиард сўм йўналтирилиб, унинг муайян қисми доллар курси тушгани ҳисобига ташқи қарзлардан тежалган маблағнинг бир қисми ҳисобидан шакллантирилди.

Кеча 16:32

Ўзбекистон қишда Қирғизистонга электр етказиб беришни бошлайди

Тўхтағул сув омборида сув тўплаш учун Қирғизистон қишда электр энергияси ишлаб чиқариш ҳажмини камайтиради. Ўзбекистон ва Қозоғистон эса куз-қиш мавсумида Қирғизистонга электр энергияси етказиб беради.