Лазизбек Муллажонов уч йилга дисквалификация қилинди

Бугун 19:466431

Олимпиада чемпиони Лазизбек Муллажоновдан олинган тест намуналарида тақиқланган модда аниқланди. Спортчи қоидани бузганини тан олган.

Лазизбек Муллажонов уч йилга дисквалификация қилинди

Ўзбекистонлик боксчи, 2024 йилги Олимпиада чемпиони Лазизбек Муллажонов допинг қоидаларини бузгани учун уч йил муддатга мусобақаларда иштирок этиш ҳуқуқидан маҳрум этилди. Бу ҳақда World Boxing федерациясига қарашли мустақил антидопинг дастурини юритувчи Халқаро тест агентлиги (ITA) расман маълум қилди.

ITA хабарига кўра, 2025 йил июн ойида спортчидан мусобақадан ташқари олинган допинг намунасида тақиқланган анаболик стероид — метастерон метаболит моддаси аниқланган. Муллажонов бу моддани қабул қилганини тан олгани учун, унинг жазо муддати стандарт тўрт йил эмас, балки уч йил этиб белгиланди.

Жаҳон антидопинг агентлиги (WADA) томонидан тақиқланган ва носпецифик моддалар қаторига киритилган метастерон мушак массаси ва кучини оширадиган синтетик анаболик стероид ҳисобланади.

Расмий маълумотга кўра, спортчининг ҳаваскор бокс бўйича мусобақалардан четлатилиши 2028 йил 21 июлга қадар давом этади. Шунингдек, Муллажоновнинг 2025 йил 11 июндан 22 июлгача бўлган барча натижалари бекор қилинади.

26 ёшли Лазизбек Муллажонов 92 килограмм вазн тоифасида 2024 йилги Париж Олимпиадаси чемпиони ва 2023 йилдаги жаҳон чемпионати бронза медали совриндори ҳисобланади. У профессионал боксда ҳам олти марта рингга чиқиб, барча жангларда зафар қучган.

Теглар

Ўзбекистон бокс допинг Лазизбек Муллажонов ITA World boxing

Мавзуга оид

10.11.2025 | 11:55

Рақобат қўмитаси истеъмолчиларни огоҳлантирди

Рақобат қўмитаси истеъмолчиларни биологик фаол қўшимчаларни «дори» сифатида тақдим этаётган рекламаларга ишонмасликка чақирди. Ҳозирга қадар қўмитага ушбу маҳсулотлар бўйича 2 345 дан ортиқ фуқаролик мурожаатлари келиб тушган.

Бугун 17:14

Қосим-Жомарт Тўқаев давлат ташрифи билан Ўзбекистонга етиб келди

Олий мартабали меҳмонни президент Шавкат Мирзиёев кутиб олди. Қозоғистон президенти янги қурилган «Тошкент Ҳумо» аэропортига қўнган биринчи хорижий давлат раҳбари бўлди.

Кеча 20:55

Ўзбекистонда янги темир йўллар қурилади ва 15 та янги темирйўл йўналишлари очилади

151 километрли янги темир йўл қуриш, 182 километр масофадаги йўлларни электрлаштириш режалаштирилган.

10.11.2025 | 15:45

Ўзбекистонда инфляцион кутилмалар рекорд даражада пасайди

Марказий банк маълумотларига кўра, аҳоли ва бизнеснинг инфляцион кутилмалари октабр ойи якунида илк бор 12 фоиздан паст кўрсаткичга тушди.

Кеча 10:10

Мирзиёев АҚШнинг Юта штати бизнес делегациясини қабул қилди

Шавкат Мирзиёев Америка Қўшма Штатлари Юта штатининг Исо Масиҳ Охирги замон авлиёлари черкови оқсоқоли Девид Беднар ва «Стирлинг» халқаро хайрия фонди раиси Майлс Хансендан иборат ишбилармонлар билан учрашди.

Бугун 10:40

Зойир Мирзаев Ҳолливудда: Флоридада Тошкент вилояти ваколатхонаси очилди

Янги ваколатхона вилоятнинг иқтисодий, маданий ва туристик салоҳиятини АҚШда кенг тарғиб этиш, шунингдек, америкалик бизнес ҳамкорлар билан тўғридан-тўғри мулоқот ўрнатишда муҳим платформа вазифасини бажариши айтилмоқда.