Миллий рейтинги юқори техникумларга рағбат пули берилади

Бугун 16:341 дақиқа

Ўзбекистонда техникумлар ва академик лицейлар учун миллий рейтинг тизими жорий қилиниб, энг яхши 50 та муассасага 1,2 млрд сўмгача рағбат пули ажратилади.

Миллий рейтинги юқори техникумларга рағбат пули берилади

Адлия вазирлиги томонидан ўрта махсус ва касбий таълим ташкилотларининг миллий рейтингини юритиш ҳамда уларни рағбатлантириш тартиби тўғрисидаги идоравий ҳужжат давлат рўйхатидан ўтказилди.

Рейтинг Таълим сифатини таъминлаш агентлиги томонидан шакллантирилади

Янги тартибга кўра, техникумлар ва академик лицейларнинг миллий рейтинглари алоҳида шакллантирилади. Уларни юритиш ваколати Таълим сифатини таъминлаш агентлигига юклатилган бўлиб, рейтинг натижалари ҳар йили 10 октябрга қадар эълон қилинади.

Миллий рейтинг маълумотлари қуйидаги манбалардан шакллантирилади:

Вазирлик ва идораларнинг ахборот тизимларидаги маълумотлар;

Таълим ташкилотлари томонидан киритиладиган ҳужжатлар;

Умуммиллий сўровнома натижалари.

Шунингдек, ҳар йили 30 майга қадар ўқувчилар, педагоглар ва иш берувчилар ўртасида умуммиллий сўровнома ўтказилиши белгиланган. Бу механизм таълим сифатига холис баҳо бериш имконини яратади.

Рағбатлантириш

Миллий рейтингда энг юқори натижа қайд этган 50 та техникум базавий ҳисоблаш миқдорининг 3000 бараваригача маблағ билан рағбатлантирилади. Бу тахминан 1,2 миллиард сўмга тенг бўлиб, ажратилган маблағнинг 80 фоизи моддий-техника базасини мустаҳкамлашга, 20 фоизи эса раҳбар ва ходимларни моддий қўллаб-қувватлашга йўналтирилади.

Ушбу тартиб касбий таълим тизимида рақобатни ошириш, таълим сифатини яхшилаш ва муассасаларни самарали фаолиятга рағбатлантиришга хизмат қилиши кутилмоқда.

Теглар

агентлик техникум рейтинг таълим ислоҳот маблағ

Мавзуга оид

Кеча 20:20

Шавкат Мирзиёев Бутунжаҳон таэквондо федерацияси президентини тақдирлади

Ўз навбатида Чо Чунг Вон ҳам Ўзбекистон раҳбарига федерация томонидан таъсис этилган олий шахсий мукофотни топширди.

Бугун 13:40

Ўзбекистон паспортининг дунё рейтингидаги ўрни кўтарилди

Ўзбекистон паспорти халқаро рейтингда 74-ўринга кўтарилиб, фуқаролар учун визасиз саёҳат қилиш мумкин бўлган давлатлар сони 59 тага етди.

Бугун 08:30

Саида Мирзиёева Россия Президенти Администрацияси вакили билан учрашди

Суҳбат марказида савдо, иқтисодиёт, энергетика ва IT соҳаларидаги қўшма лойиҳалар бўлган.

Кеча 20:33

Ўзбекистонликларга Германиядаги ҳарбий музейга кириш тақиқланди

Германиянинг Кобленц шаҳридаги ҳарбий техника музейи хавфсизлик сабаблари билан Ўзбекистон фуқаролари учун киришни чеклади.

Бугун 10:00

Octobank 2026-yilning I-choragi natijalari: barqaror o‘sish va ijtimoiy tashabbuslarga e’tibor

Octobank biznes uchun yangi mahsulotlarning ishga tushirilishi va odamlar hayotini o‘zgartiruvchi ijtimoiy tashabbuslari haqida ma’lumot berdi.

Бугун 11:25

«Рақамли ботқоқ» ёхуд маҳаллий ишлаб чиқарувчиларни инқирозга етаклаётган ичимликлар маркировкаси

Ўзбекистон иқтисодиётида турли хил экспериментлар ва «инновацион» ислоҳотлар, одатда, эзгу мақсадлар — хуфиёна иқтисодиётни қисқартириш, солиқ тушумларини ошириш ва истеъмолчилар ҳуқуқларини ҳимоя қилиш шиори остида бошланади. Бироқ, амалиёт кўпинча қоғоздаги чиройли режалардан кескин фарқ қилади ва маҳаллий ишлаб чиқарувчиларга муаммолар яратиш билан тугамоқда.