Қашқадарёда янги газ кони топилди

Bugun 11:121 daqiqa

Ғузор туманидаги «Бурисой» конида қудуқ синовлари давомида саноат миқёсида газ ва конденсат оқими олинди. Қудуқдан кунига 400 минг куб метргача газ олинмоқда.

Қашқадарё вилоятининг Ғузор туманида «Бурисой» номли янги газ-конденсат кони аниқланди. Бу ҳақда Шўртан ҳудудида олиб борилган геология-қидирув ишлари натижалари тўғрисидаги маълумотда хабар берилган.

Қудуқни синовдан ўтказиш жараёнида саноат миқёсида табиий газ ва конденсат оқими олинган. Маълумотга кўра, қудуқдан бир суткада 300 мингдан 400 минг куб метргача газ чиқмоқда.

Қудуқни бурғилаш ишлари 5-августда бошланган. Ушбу ишларни «Ўзнефт бурғулаш ишлари» МЧЖ амалга оширган. Мутахассислар қисқа вақт ичида 3 159 метр чуқурликка етиб борган.

«Ўзбекгеофизика» АЖ ўтказган синовларда 2 842 метрдан 3 001 метргача бўлган чуқурликдаги қатламлардан газ ва конденсат оқими олинган.

Ҳозирда мутахассислар маҳсулдор қатламларнинг хусусиятларини ўрганиб, коннинг имкониятларини баҳоламоқда.

Синовлар якунланганидан кейин, 15 октябрдан газни қайта ишлашга йўналтириш режалаштирилган. Кейинчалик уни истеъмолчиларга етказиб бериш кўзда тутилган.

Йил охиригача «Бурисой» конида иккинчи қидирув қудуғини бурғилаш ҳам режалаштирилган.

Эслатиб ўтамиз, аввалроқ 2026-йилнинг январ–сентабр ойларида «Ўзбекнефтгаз» компанияси ва унинг таркибидаги корхоналар қарийб 17 млрд куб метр газ қазиб олгани ҳақида хабар берилганди.

Teglar

газ энергетика Қашқадарё конденсат геология Бурисой

Mavzuga oid

Kecha 22:10

Шавкат Мирзиёев Бокуда Илҳом Алиев билан учрашди

Томонлар стратегик шериклик, савдо-иқтисодий ҳамкорлик ва қўшма лойиҳаларни муҳокама қилди.

Kecha 08:00

«Самарқанд нони» товар белгиси сифатида давлат рўйхатидан ўтказилди

2025 йилнинг феврал ойида «Самарқанд нони» географик кўрсаткич сифатида ҳам давлат рўйхатидан ўтказилган эди.

13.10.2026 | 22:45

Давлат харидларидаги «ўйинлар»,робототехника бўйича ўрнатилган жаҳон рекорди ва жаримага тортилган 8 та банк — 13 октябрь дайжести

Кун давомида Ўзбекистонда юз берган воқеалар ва ҳодисалар, ёритилган янгиликлар ва хабарларнинг энг муҳимларини яна бир бор эсга оламиз.

Kecha 16:48

Алиев ва Мирзиёев ҳамкорлиги: Осиёдаги ишонч ва ҳамкорлик бўйича кенгаш Ўзбекистон ва Озарбойжон алоқаларини қандай мустаҳкамламоқда?

Иқтисодий ҳамкорлик Ўзбекистон ва Озарбойжон шериклигининг асосий йўналишларидан бири ҳисобланади. Илҳом Алиев аввалроқ 2025-йилда икки мамлакат ўртасидаги савдо ҳажми 795 млн долларга етганини айтган. Бу 2024-йилга нисбатан 3,2 баробар кўп. Боку ва Тошкент 2030-йилгача ўзаро савдо ҳажмини 1 млрд долларга етказишни мақсад қилган. Бунинг учун 2026-йилнинг август ойида тегишли дастур ва йўл харитаси имзоланган. Бироқ икки давлат раҳбарлари 1 млрд долларлик кўрсаткични иқтисодий ҳамкорликнинг энг юқори чегараси эмас, балки дастлабки мақсад деб ҳисобламоқда.

Bugun 11:05

800 минг фуқарога 22 млрд сўм асоссиз қарз ёзилган: тўловлар қайта ҳисобланди

Рақобат қўмитаси доимий яшаш манзилида бўлмаган фуқароларга ҳисобланган асоссиз қарздорликни қайта ҳисоб-китоб қилди. Асосий ҳолатлар маиший чиқиндиларни олиб чиқиш тўловларига тегишли.

Kecha 21:34

Президент педофилларга умрбод қамоқ жазосини назарда тутувчи қонунни имзолади

Бундан буён 14 ёшга тўлмаган болага нисбатан жинсий зўравонлик содир этган шахсларга 25 йилгача озодликдан маҳрум қилиш ёки умрбод қамоқ жазоси тайинланади. Бундай оғир жиноятлар бўйича жавобгарликка тортиш муддатида чеклов бўлмайди.