Наманган аэропортида 2026 йил якунига қадар янги йўловчи терминали ишга туширилади

Бугун 12:252 дақиқа

Майдони 22,6 минг квадрат метр бўлган уч қаватли терминал бир вақтнинг ўзида соатига 1,2 минг нафар, йилига эса 3 миллиондан ортиқ йўловчига хизмат кўрсата олади. Лойиҳа қиймати 175 миллион долларни ташкил этади.

Наманган аэропортида 2026 йил якунига қадар янги йўловчи терминали ишга туширилади

23-июн куни Президент Шавкат Мирзиёев Наманган вилоятига ташриф буюриб, Наманган халқаро аэропортида барпо этилаётган янги йўловчи терминали қурилишини кўздан кечирди.

Мамлакатда транспорт инфратузилмасини модернизация қилиш бўйича кенг кўламли ишлар амалга оширилмоқда. Наманган халқаро аэропортини кенгайтириш лойиҳаси ҳам ана шу ислоҳотларнинг муҳим қисми ҳисобланади.

Мазкур қурилиш ишлари давлатимиз раҳбарининг 2021 йил 29 мартдаги “Республика аэропортларини бошқариш соҳасида давлат-хусусий шерикликни ривожлантириш чора-тадбирлари тўғрисида”ги қарори асосида амалга оширилмоқда.

Наманган халқаро аэропорти 1971 йилда фойдаланишга топширилган. 2013 йилдан халқаро мақомда фаолият юритиб келмоқда. Бугунги кунда аэропорт орқали 9 та авиакомпания мунтазам парвозларни амалга оширяпти.

Лойиҳага жами 175 миллион доллар инвестиция жалб қилинган. Режага кўра, 2026 йил якунига қадар замонавий талабларга жавоб берадиган янги йўловчи терминали ишга туширилади. Майдони 22,6 минг квадрат метр бўлган уч қаватли терминал соатига 1,2 минг нафар ва йилига 3 миллион нафардан зиёд йўловчига хизмат кўрсатиш имкониятига эга бўлади. Бу эса аэропортнинг ҳозирги қувватини бир неча баробар оширади.

Янги терминалда чегара ва божхона назорати пунктлари, виза хизматлари, бизнес-зал, савдо ва умумий овқатланиш шохобчалари, тиббиёт пункти ҳамда Duty Free ҳудуди ташкил этилади. Натижада 550 та янги иш ўрни яратилади.

2027 йил якунига қадар кунлик қуввати 50 тонна бўлган карго терминали фойдаланишга топширилади. Фарғона водийси учун ягона замонавий карго тизими шакллантирилиб, маҳсулотларни дунёнинг 90 мамлакатига экспорт қилиш имконияти кенгаяди.

Давлат раҳбари қурилиш жараёнлари билан яқиндан танишиб, аэропорт инфратузилмасини янада такомиллаштириш бўйича қатор кўрсатмалар берди.

Теглар

транспорт аэропорт терминал Наманган Шавкат Мирзиёев инвестиция авиация

Мавзуга оид

Бугун 09:00

Тошкентдаги пиво фестивали ташкилотчилари жазоланди

Президент Администрацияси раҳбари Русланбек Давлетов раҳбарлик қиладиган хизматнинг бош инспекторини эгаллаб турган лавозимидан озод қилди. Давлетов ҳам жазоланди.

Кеча 15:25

500 га яқин ёнилғи қуйиш шохобчаси фаолияти вақтинча тўхтатилди

Ўзбекистондаги барча метан, пропан ва бензин заправкалари ҳамда газ баллонларини тўлдириш пунктлари хатловдан ўтказилиб, 46 мингдан ортиқ камчиликлар аниқланди.

Бугун 11:09

Ўзбекистонда «Рақамли Маҳалла» платформаси жорий этилади

Шу билан бирга, камбағалликдан холи маҳаллалар сонини 3,5 мингтага етказиш ҳамда мамлакатда ишсизлик ва камбағаллик даражасини 4,5 фоизгача камайтириш режалаштирилган.

Кеча 22:19

Камар тақмасликка рухсат берувчи тиббий маълумотномалар онлайн берила бошлади

Хизмат хавфсизлик камарини тақишга тўсқинлик қилувчи касаллик ташхиси қўйилган фуқаролар учун мўлжалланган бўлиб, у тўлиқ бепул тақдим этилади.

Кеча 18:55

Даромад ва харажат: Ўзбекистонликлар нимага кўпроқ пул сарфламоқда?

Ҳар тўрт ўзбекистонликдан учтаси яқин ойларда харажатлари яна ошишини кутмоқда. Аҳоли даромадлари ўсиб бораётган бўлса-да, маблағларнинг катта қисми таълим, уй-жой таъмири ва кундалик эҳтиёжларга кетмоқда.

Кеча 21:36

Кредит олган одам вафот этса, қарзга нима бўлади?

Кредит олган шахснинг вафот этиши банк олдидаги қарзни автоматик равишда бекор қилмайди. Бироқ бу қарз марҳумнинг турмуш ўртоғи, фарзандлари ёки бошқа яқинлари зиммасига шунчаки қариндош бўлгани учун ўтмайди. Қарзнинг кейинги тақдири мерос таркиби, кредит таъминоти, суғурта, кафиллик ва шартномада бошқа қарздорлар мавжудлигига қараб белгиланади.