«Open bank» ягона акциядорга ўтди

Бугун 19:171 дақиқа

Future Open Technologies МЧЖ «Open bank»даги улушини 85 фоиздан 100 фоизга етказди. Йил бошида «Agrobank» «Open bank» акцияларини сотиб олиш бўйича қарор қабул қилганди.

Ўзбекистондаги хусусий банклардан бири «Open bank»нинг 100 фоиз улуши Future Open Technologies МЧЖ таркибига ўтказилди. Бу ҳақда Корпоратив ахборот ягона порталида маълум қилинди.

25 июнь куни эълон қилинган ахборотга кўра, Future Open Technologies банкнинг устав капиталидаги 500 млрд сўмлик барча улушни ўзига расмийлаштирган.

Бунгача компаниянинг «Open bank»даги улуши 85 фоиздан ошиқ эди. Қолган улушларга Зафар Адилов (4,9 фоиз) ва Комилхўжа Султонов (10 фоиз) эгалик қиларди.

«Open bank» Марказий банкдан банк фаолиятини амалга ошириш учун лицензияни 2022 йилда «Smart bank» номи остида олган эди.

Маълумотларга қараганда, банк ўшанда «Agrobank»ка тегишли компания қошида ташкил қилинган.

2025 йил бошида Future Open Technologies «Smart bank»нинг 451 млрд сўмлик 90,2 фоиз улушини харид қилган эди. Шундан сўнг, ребрендинг қилинди ва банк номи «Open bank» деб ўзгартирилди.

Маълумот учун, йил бошида «Agrobank» акциядорлари «Open bank»ни сотиб олиш тўғрисида қарор қабул қилган эди.

Банк акцияларини сотиб олиш бўйича «Йўл харитаси»нинг ижросини таъминлаш «Agrobank» Бошқаруви зиммасига юклатилган.

Теглар

банк «Agrobank»«Open bank»акциядорлар «Future Open Technologies»

Мавзуга оид

Кеча 22:20

«Мард ўғлон» мукофоти ғолиблари эълон қилинди

Йигитларга базавий ҳисоблаш миқдорининг 50 баравари миқдорида пул мукофоти берилади.

Кеча 22:40

Аукционга чиқарилган университет бинолари, хавфсиз ҳудудларга кўчириладиган «заправкалар» ва янги тартибда тўланадиган касаллик пули — 29 июн дайжести

Кун давомида Ўзбекистонда юз берган воқеалар ва ҳодисалар, ёритилган янгиликлар ва хабарларнинг энг муҳимларини яна бир бор эсга оламиз.

Кеча 18:55

Энди телефонни UzIMEI'да 2 дақиқада рўйхатдан ўтказиш мумкин

Ўзбекистонга олиб кирилаётган телефонларни декларациялаш ва UzIMEI'да рўйхатдан ўтказиш тартиби соддалаштирилди. Энди барча жараён бир вақтнинг ўзида амалга оширилади.

Бугун 17:55

Вазирлик Vaqt.uz суриштирувига муносабат билдирди, аммо асосий саволлар очиқ қолмоқда

Олий таълим, фан ва инновациялар вазирлиги Vaqt.uz’нинг талабалар ётоқхоналари бўйича суриштирувига расмий изоҳ берди. Бироқ баёнотда давлат дастури ижроси, қурилган ётоқхоналар ва статистик рақамларга оид асосий саволларга ойдинлик киритилмади.

Кеча 20:45

Мирзиёев ва Жаҳон банки вице-президенти давлат корхоналарини хусусийлаштириш масалаларини муҳокама қилди

Томонлар сув хўжалигини молиялаштиришга қаратилган янги дастурларни ишлаб чиқиш юзасидан ҳам фикр алмашдилар.

Бугун 17:40