«Ўргимчак одам: Янги кун» илк дам олиш кунларида 927 миллион доллар йиғди

«Ўргимчак одам: Янги кун» фильми Шимолий Америка прокатида (АҚШ ва Канада) илк дам олиш кунларида 355 миллион доллар даромад қилди. Шу натижа билан у Голливуд тарихидаги энг муваффақиятли иккинчи дебютга айланди. Бу ҳақда «Reuters» хабар берди.

Агентлик маълум қилишича, фильм хорижий бозорларда ҳам катта қизиқиш уйғотиб, қўшимча равишда 572 миллион доллар йиғган. Унинг 121 миллион доллари Хитой прокати ҳиссасига тўғри келган.

Шунингдек, «Ўргимчак одам: Янги кун» коронавирус пандемиясидан кейин Шимолий Америкада энг юқори касса йиғимига эришган фильмлардан бири бўлди. АҚШ ва Канада кино бозорида энг яхши дебют натижаси ҳали ҳам 2019-йилда чиққан «Қасоскорлар: Финал» (Avengers: Endgame) фильмига тегишли. Фильм илк уикендда 1,22 миллиард доллар йиғган. Учинчи ўринда эса 2018-йилда чиққан «Қасоскорлар: Чексизлик жанги» (Avengers: Infinity War) жойлашган бўлиб, у дастлабки дам олиш кунларида 640,5 миллион доллар ишлаган.

Янги «Ўргимчак одам» фильми бош қаҳрамон ролини ижро этган Том Холланд билан ушбу натижадан атиги 2 миллион доллар кам тўплаган.

Суперқаҳрамонлар жанрига қизиқиш пасайган бўлса ҳам, фильм муваффақият қозонди

Ўргимчак одам — Marvel оламидаги энг машҳур комикс қаҳрамонларидан бири ҳисобланади. «Reuters» таъкидлашича, сўнгги йилларда томошабинлар орасида суперқаҳрамонлар ҳақидаги фильмларга қизиқиш бироз пасайган бўлса-да, бу қаҳрамон ҳали ҳам кино саноатида катта жалб этиш кучига эга.

«Deadline» тахминига кўра, «Ўргимчак одам: Янги кун» 2026-йилнинг энг кўп даромад келтирган фильмига айланиши мумкин. Бунинг учун у ҳозирча 1,065 миллиард доллар йиғган «Ўйинчоқлар тарихи 5» (Toy Story 5) мультфильмининг натижасидан ўтиши керак.

Эслатиб ўтамиз, аввалроқ «Аватар» фильмининг учинчиси жаҳон прокатида 500 миллион доллар тўплаганди.