Ўзбекистон ва Афғонистон юк ташувчилар учун йиғимларни ўзаро камайтиради

Бугун 17:552 дақиқа

Ўзбекистон ва Афғонистон автомобил ташувларида йиғимларни қисқартириш ҳамда миллий ташувчилар учун қулай шарт-шароитлар яратиш бўйича янги келишувга эришди.

Ўзбекистон ва Афғонистон юк ташувчилар учун йиғимларни ўзаро камайтиради

Ўзбекистон ва Афғонистон транспорт ҳамда транзит соҳасидаги ҳамкорликни янада кенгайтириш, шунингдек, халқаро автомобиль ташувлари учун мавжуд тўсиқларни бартараф этиш масалаларини муҳокама қилди. Бу ҳақда Ўзбекистон Транспорт вазирлиги маълум қилди.

26-июл куни Қобул шаҳрида Ўзбекистон транспорт вазири Илҳом Маҳкамов ҳамда Афғонистон транспорт ва авиация вазири Муҳаммад Фозил Мазлум ўртасида музокаралар бўлиб ўтди.

Учрашувда икки давлат ўртасида автомобиль ташувларини ривожлантириш, миллий ташувчилар учун янада қулай шароитлар яратиш ва Афғонистон ҳудудида Ўзбекистон юк ташувчиларидан ундириладиган йиғимларни қайта кўриб чиқиш масалалари муҳокама қилинди.

Йиғимлар қисқартирилади

Томонлар ташувчилардан олинадиган йиғимларни қисқартириш ҳамда уларни ўзаро тенглик тамойили асосида белгилаш юзасидан идоралараро ишчи гуруҳнинг навбатдаги йиғилишини 10 августга қадар ўтказишга келишиб олди.

Шунингдек, юк ташувчилар фаолиятида учраётган муаммоларни тезкор ҳал қилиш мақсадида Афғонистоннинг тегишли давлат идоралари вакиллари иштирокида алоҳида учрашув ташкил этилиши ҳам белгиланди.

Транспорт вазирлигига кўра, мазкур музокаралар икки мамлакат ўртасидаги транзит салоҳиятини ошириш ва халқаро ташувлар учун янада қулай муҳит яратишга хизмат қилади.

Аввал ҳам имтиёзлар берилган

Ўзбекистон ва Афғонистон транспорт соҳасидаги йиғимларни камайтириш бўйича бундан аввал ҳам келишувларга эришган.

Хусусан, 2024-йил октябр ойида Афғонистон ҳудудига кириш йиғими 30 фоизга — 5 минг афғонидан 3,5 минг афғонигача, «Дўстлик» кўприги орқали ўтиш учун тўлов эса 41,7 фоизга — 12 минг афғонидан 7 минг афғонигача қисқартирилган эди.

Янги музокаралар ушбу жараённинг давоми сифатида баҳоланмоқда. Томонлар йиғимларни янада мақбуллаштириш орқали икки давлат ўртасидаги савдо ва транзит юк ташувлари ҳажмини оширишни мақсад қилган.

Теглар

Афғонистон транспорт логистика транзит ташувчи йиғим

Мавзуга оид

Бугун 10:25

Рақобат қўмитаси фуқароларни огоҳлантирди

Рақобат қўмитаси аҳолини «Ташаббусли бюджет» лойиҳаси доирасида овоз учун пул ваъда қилаётган норасмий ботлар ва рекламаларга ишонмасликка чақирди.

Бугун 16:47

Президент 9 та давлат элчиларидан ишонч ёрлиқларини қабул қилди

Шавкат Мирзиёев Италия, Фаластин, Саудия Арабистони, Кувайт, Жазоир, Малайзия, Покистон, Озарбайжон ва Қозоғистоннинг янги тайинланган элчиларидан ишонч ёрлиқларини қабул қилди.

Кеча 22:10

8 йилга қамалган Мубин Мирзаев, вазирликка қайтган Шерзод Хўжаев ҳамда ошаётган ажрим ва камаяётган никоҳлар — 27 июл дайжести

Кун давомида Ўзбекистонда юз берган воқеалар ва ҳодисалар, ёритилган янгиликлар ва хабарларнинг энг муҳимларини яна бир бор эсга оламиз.

Кеча 19:45

Аҳолига суюлтирилган газ етказиб беришга хусусий сектор жалб қилинади

Президент Шавкат Мирзиёев раислигида ўтган йиғилишда суюлтирилган газ таъминотини яхшилаш мақсадида соҳага хусусий секторни жалб этиш ва бу тажрибани Андижон вилоятида бошлаш маъқулланди.

Кеча 17:15

Солиқ қўмитаси раисининг биринчи ўринбосари 8 йилдан ортиқ муддатга қамалди

Президент томонидан лавозимидан олинганидан қарийб олти ой ўтиб, Солиқ қўмитаси раисининг собиқ биринчи ўринбосари Мубин Мирзаевга нисбатан суд ҳукми эълон қилинди. Шайхонтоҳур туман суди уни 8 йил 2 ой муддатга озодликдан маҳрум қилди.

Кеча 22:14

Ўзбекистонда илк исломий микромолия банки пайдо бўлиши мумкин — Apex Moliya

Компания Марказий банкдан дастлабки рухсат олгач, устав капиталини 50 млрд сўмга етказишни режалаштирмоқда. Жараён якунланса, у Ўзбекистондаги илк исломий микромолия банкига айланиши мумкин.