O‘zbekiston xorijdan eng ko‘p qaysi mahsulotlarni sotib olmoqda?

Milliy statistika qo‘mitasi ma’lumotlariga ko‘ra, 2026-yilning yanvar–aprel oylarida O‘zbekistonning umumiy import hajmi 16,4 milliard AQSH dollarini tashkil etdi. Bu haqda Milliy statistika qo‘mitasi xabar berdi.

Ma’lumotlarga ko‘ra, importning asosiy tarkibini mashinalar va transport asbob-uskunalari (5,5 mlrd dollar), shuningdek, sanoat tovarlari (2,5 mlrd dollar), kimyoviy vositalar va o‘xshash mahsulotlar (2,0 mlrd dollar), oziq-ovqat mahsulotlari va tirik hayvonlar (1,9 mlrd dollar), xizmatlar (1,6 mlrd dollar), mineral yoqilg‘i va moylash materiallari (1,4 mlrd dollar) tashkil etadi.

Boshqa muhim toifalar:

— Turli xil tayyor buyumlar — 585,7 million dollar (34,6 foizga o‘sgan);

— Nooziq-ovqat xomashyo — 464,8 million dollar (34,5 foizga o‘sgan);

— Hayvon va o‘simlik moylari, yog‘lar — 217,7 million dollar (37,3 foizga o‘sgan);

— Ichimliklar va tamaki mahsulotlari — 100,5 million dollar (24,3 foizga o‘sgan).

Eslatib o‘tamiz, avvalroq O‘zbekiston eng ko‘p qaysi davlat mahsulotlarini xarid qilayotganligi haqida ma’lumot bergan edik.