Ўзбекистонда 14 та янги «Яшил» техникум очилмоқда

Ўзбекистоннинг барча ҳудудларида экология ва атроф-муҳитни муҳофаза қилиш соҳасида мутахассислар тайёрлайдиган 14 та янги «Яшил» техникум фаолияти йўлга қўйилади. Президент Шавкат Мирзиёевнинг тегишли қарорига асосан, 2030-йилга қадар ушбу таълим масканларида 10 минг нафар замонавий эко-кадрлар етиштириб чиқарилиши белгиланган.

Техникумларнинг энг иқтидорли ўқувчилари учун махсус «Эко-стипендия» жорий қилинади ва уларга ҳар ой камида меҳнатга ҳақ тўлашнинг энг кам миқдорида стипендия тўланади.

​Ўқувчилар табиат қўриқхоналари, ўрмон хўжаликлари ва ботаника боғларида реал амалиёт ўтайди. Олий таълимнинг юқори босқичларида амалий машғулотлар улуши 80 фоизгача етади.​

Инглиз тилини яхши билган (B2) ва юқори баҳоларга ўқиган битирувчилар «Green University»нинг 2-босқичидан ўқишни давом эттиришлари мумкин бўлади.

Таъкидланишича, ​бу ташаббус ёшлар учун янги иш ўринлари ва замонавий касбларни эгаллаш имкониятини яратади. Энг муҳими, мамлакат экологиясини асраб-авайлайдиган, табиат билан уйғун ишлай оладиган янги авлод мутахассисларини етиштириб беради.