Ўзбекистонда октябр ойи охиригача «Соғлом болалар» оилавий челленжи ўтказилмоқда

Ўзбекистонда болалар ва уларнинг ота-оналари орасида соғлом турмуш тарзини тарғиб қилиш мақсадида «Соғлом старт. Соғлом болалар» онлайн-челленжи ўтказилмоқда. 22 сентябрда бошланган челленж 31 октябргача давом этади. Лойиҳа «Саломатлик йўналишлари» таълим дастури доирасида амалга оширилмоқда. Бу дастур ҳар йили 12 мингдан ортиқ болани қамраб олиб, уларнинг соғлом овқатланиш ва тўғри турмуш одатларини шакллантиришга ёрдам бермоқда. Челленж тўрт йўналишда ташкил этилган: «Мевали нонушта», «Суперқаҳрамон нонуштаси», «Бирга ҳаракат қиламиз!» ва «Яшил қаҳрамонлар». Ҳар бир босқич ўн кундан давом этади. Иштирокчилар бир ёки бир нечта мавзуларни танлаб, бажарилган топшириқларнинг фотосуратларини махсус сайтга юклаб боришлари керак. Челленжга исталган босқичда қўшилиш мумкин. Барча босқичларни якунлаган оилалар суперприз учун курашиш имкониятига эга бўлади. Шунингдек, «Томошабинлар меҳри» номинацияси (энг кўп овоз тўплаганлар учун) ва «Супер-синф» номинацияси (энг фаол мактаб гуруҳи учун) ҳам назарда тутилган. Челленжнинг муҳим қисми экологияга бағишланган. «Яшил қаҳрамонлар» йўналиши болалар ва ота-оналарда чиқиндиларни саралаш, сув ва электр энергиясини тежаш ҳамда қайта ишланадиган маҳсулотлардан фойдаланиш кўникмасини ривожлантиришга қаратилган. Ота-оналар бажарилган топшириқлар акс этган фото ва видеоларни ижтимоий тармоқларда #ЧелленджNestlé ҳэштеги билан уллаш орқали қўшимча совринлар учун имкониятга эга бўладилар. Челленж Ўзбекистон билан бирга Қозоғистонда ҳам старт олди ва икки мамлакат оилалари ҳамда мактабларини соғлом турмуш тарзини тарғиб қилишда бирлаштирмоқда.