Ўзбекистонда паспорт йўқотганлик учун жарима бекор қилинади

Бугун 08:202 дақиқа

Шунингдек, вояга етмаганлар суд божидан озод этилади.

Ўзбекистонда паспорт йўқотганлик учун жарима бекор қилинади

Ўзбекистонда фуқаролик паспорти ёки ID-картани йўқотиб қўйганлик учун маъмурий жавобгарлик бекор қилиниб, фақат қўшимча давлат божи ундириш тизими жорий этилади. Шунингдек, вояга етмаганлар суд божидан озод этилиб, илк бор иш қидираётганлар учун «иш ўрганувчи стажёр» тизими йўлга қўйилади. Бу ҳақда Ўзбекистон Республикаси Президентининг 15 июлдаги қарорида маълум қилинди.

Ҳужжатга мувофиқ, Ички ишлар вазирлиги ҳамда Адлия вазирлигига 2026 йилнинг октябрига қадар паспорт, ID-карта ёки хорижга чиқиш паспортини йўқотиб қўйганда ёки яроқсиз ҳолга келтирганда маъмурий жавобгарликка тортмаслик ва фақат қўшимча миқдорда давлат божи тўлаш орқали янги ҳужжатни расмийлаштириш тартибини ишлаб чиқиш вазифаси юклатилди. Вазирликлар мазкур таклифларни белгиланган муддатда Вазирлар Маҳкамасига киритиши лозим.

Суд божидаги имтиёз ва «иш ўрганувчи стажёр» тизими

Янги ҳужжат билан вояга етмаган шахсларга ўз ҳуқуқларини мустақил равишда амалга ошириш юзасидан судларга мурожаат қилишда давлат божини тўлашдан озод қилиш белгиланмоқда. Бу бўйича Адлия вазирлиги Болалар омбудсмани ва Ижтимоий ҳимоя миллий агентлиги билан биргаликда икки ой муддатда тегишли қонун лойиҳасини ҳукуматга киритади.

Бундан ташқари, Камбағалликни қисқартириш ва бандлик вазирлиги ҳамда Иқтисодиёт ва молия вазирлиги 2026 йил сентябрга қадар «иш ўрганувчи стажёр» тизимини жорий қилиш бўйича таклиф тайёрлайди. Ушбу тизим бандлик соҳасида илк бор ёки бошқа соҳада иш қидираётганлар учун шартнома асосида ҳақ тўланмайдиган, бироқ меҳнат дафтарчасига ёзув киритилиб, штатдан ташқари 3 ойгача ишлаб кўриш имконини беришни назарда тутади.

Теглар

ID-карта Президент қарори маъмурий жарима Паспорт йўқотиш суд божи вояга етмаганлар ҳуқуқи иш ўрганувчи стажёр қонунчилик Ўзбекистон

Мавзуга оид

Кеча 21:21

Тарихни янги бинога кўчириш мумкинми?

Тошкент марказидаги Алишер Навоий номидаги Давлат адабиёт музейи Янги Тошкентга кўчирилмоқда. Музей фондларидаги 60 мингдан ортиқ экспонат, жумладан, ноёб қўлёзмалар ва шахсий архивлар бошқа жойга олиб ўтилмоқда. Бу жараён ортидан тарихий бино тақдири, қўлёзмаларнинг хавфсизлиги ва икки босқичли кўчириш зарурати юзасидан жамоатчиликда қатор саволлар пайдо бўлди.

Кеча 19:25

«Келажак учун хорижий тил» лойиҳаси доирасида 10 мингдан ортиқ ўқувчи тил сертификатига эга бўлди

«Тошкент тажрибаси» сифатида 2025–2026-ўқув йилидан амалга оширилган лойиҳа доирасида пойтахтдаги барча умумтаълим мактабларининг қарийб 40 минг нафар 11-синф ўқувчиси хорижий тил бўйича қўшимча тайёргарликдан ўтказилиб, уларнинг билим ва амалий кўникмалари мустаҳкамланди.

Кеча 23:00

Банкни ўмармоқчи бўлган йигит, Беларусдаги маошдан норози андижонликлар ва тақиқланган тунги реклама қўнғироқлари — 15 июл дайжести

Кун давомида Ўзбекистонда юз берган воқеалар ва ҳодисалар, ёритилган янгиликлар ва хабарларнинг энг муҳимларини яна бир бор эсга оламиз.

Кеча 23:20

Тақиқдаги уйларга пропискага ўтишга рухсат берилади, лекин бир шарт билан

Ўзбекистонда 2027 йилдан кўчмас мулкни рўйхатдан ўтказмаганлик учун жарима бекор қилинади. Мерос уйларни сотишда солиқ имтиёзлари ва тақиқдаги уйларга пропискага қўйиш бўйича янги тартиблар тасдиқланди.

Кеча 21:20

«Ташаббусли бюджет»нинг янги мавсуми бошланди

Фуқаролар 3 августга қадар ўз ташаббусларини Openbudget.uz порталига киритишлари мумкин бўлиб, ғолиб лойиҳалар 1 сентябр — Мустақиллик байрами куни эълон қилинади.

Кеча 22:53

Сўровнома: 61 фоиз респондент қарзларини ўз вақтида қайтаришга қийналмоқда

Марказий банк томонидан 5,8 минг киши иштирокида ўтказилган сўровнома натижаларига кўра, жами респондентларнинг 77 фоизи ўзи ёки оила аъзоларидан бирида банк ҳамда банкдан ташқари қарз мажбуриятлари мавжудлигини қайд этган.