Ўзбекистонга 10 ойда АҚШ ва Британиядан 600 га яқин киши ўқиш учун келди

Кеча 08:452731 дақиқа

2025 йилда Ўзбекистонда таълим олиш мақсадида келган орасида АҚШ, Буюк Британия, Жанубий Корея ва Хитой каби хорижий мамлакат фуқаролари борлиги маълум қилинди.

Ўзбекистонга 10 ойда АҚШ ва Британиядан 600 га яқин киши ўқиш учун келди

Миллий статистика қўмитасига кўра, 2025 йилнинг январ–октябр ойларида 33 287 нафар хорижлик фуқаро Ўзбекистонга ўқиш мақсадида келган. Бу ўтган йилнинг шу даврига нисбатан 11 307 нафарга кўп бўлиб, ўсиш суръати 51,5 фоизни ташкил этди.

Ўзбекистонга келган талабалар таркиби мамлакатлар кесимида таҳлил қилинганда, Ҳиндистон (14,3 минг нафар) фуқаролари етакчи ўринни эгаллаган. Ундан кейин Туркманистон (8,3 минг нафар) ва Тожикистондан (2,3 минг нафар) келган талабалар сони юқори бўлган. Шунингдек, Покистон (1,6 минг нафар), Хитой (1,2 минг нафар) ва Жанубий Кореядан (806 нафар) ҳам сезиларли миқдорда талабалар келгани қайд этилди.

Ҳисобот даврида АҚШдан 429 нафар, Буюк Британиядан эса 153 нафар фуқаро Ўзбекистонга ўқиш учун келгани маълум қилинди. Шу билан бирга, Филиппин, Миср, Қирғизистон ва Туркиядан ҳам салмоқли миқдорда талабалар келган. Бошқа давлатлардан эса 1431 нафар хорижлик фуқаро ўқишга келгани қайд этилди.

Маълумот ўрнида: 2024/2025 ўқув йилида Ўзбекистонда олий таълим муассасаларига 381,7 минг нафар талаба қабул қилингани ҳақида хабар қилган эдик.

Статистик маълумотларга кўра, чет эл университетларида ўқиётган ўзбекистонлик талабалар сони эса 150 мингдан ошиқ ва бу борада Ўзбекистон дунё давлатлари ичида Хитой ва Ҳиндистондан сўнг учинчи ўринда туради.

Теглар

АҚШ Ўзбекистон таълим статистика хорижлик талабалар

Мавзуга оид

02.12.2025 | 17:38

Ифлос ҳаво: бир кунда неча дона сигарета «чекаётганингизни» биласизми?

Дунёда ҳаво ифлосланиши шундай даражага етдики, айрим минтақаларда инсонлар йил давомида юзлаб сигаретага чекканга тенг заҳарли моддаларни нафас орқали ютаётган бўлиб чиқмоқда.

Бугун 09:35

115-сонли автобус йўналиши узайтирилди

Тошкентда 115-сонли автобус йўналиши 4 декабрдан Ғишт завод бекатигача узайтирилди.

Бугун 13:55

«Бизнесни ривожлантириш банки» ходимига жиноят иши қўзғатилди

«Бизнесни ривожлантириш банки» ходими кредит ажратиб бериши учун пора олаётганда қўлга олинди.

01.12.2025 | 14:55

Автобус ва тез ёрдам машиналарига ташвиш тугмалари ўрнатилади

Ўзбекистонда йўналишли автобуслар ва тез ёрдам машиналарида хавфсизликни кучайтириш мақсадида ташвиш тугмалари жорий этилиши белгилаб қўйилди.

01.12.2025 | 10:55

Навоийда экология инспекторига қўл кўтарган браконерлар қўлга олинди

Ноқонуний ов билан шуғулланган шахслар эколог инспекторининг талабига бўйсунмай, унга куч ишлатган ва воқеадан қочиб кетишга уринган.

29.11.2025 | 20:18

Ўзбекистон олийгоҳларида бизнес-таълимга AMBA аккредитацияси жорий қилинади

Таълим сифатини таъминлаш миллий агентлиги делегацияси Лондонда ўтказган музокараларда Ўзбекистон ОТМлари бизнес-таълим дастурларини AMBA халқаро стандартлари асосида баҳолаш ва аккредитациядан ўтказиш бўйича муҳим келишувга эришилди.