Ўзбекистонликлар Қирғизистонда 15 кунгача рўйхатдан ўтмасдан юриши мумкин бўлди

Бугун 19:432 дақиқа

Тегишли протокол Шавкат Мирзиёев ва Садир Жапаров ўртасидаги музокаралар якунида имзоланди.

Ўзбекистонликлар Қирғизистонда 15 кунгача рўйхатдан ўтмасдан юриши мумкин бўлди

Ўзбекистон ва Қирғизистон фуқароларининг икки мамлакат ҳудудида бўлиш тартибини соддалаштиришга келишиб олди.

Энди икки мамлакат фуқаролари давлат чегарасини кесиб ўтганидан сўнг 15 кун давомида доимий ёки вақтинчалик рўйхатдан ўтмасдан яшаши мумкин бўлади.

Тегишли протокол 30 июл куни президентлар Шавкат Мирзиёев ва Садир Жапаров ўртасидаги музокаралар якунида имзоланган.

Рўйхатдан ўтиш муддати узайтирилди

Қайд этилишича, протоколнинг асосий мақсади икки давлат фуқароларининг ўзаро сафарлари тартибини либераллаштириш ва қабул қилувчи мамлакат ҳудудида бўлиш қоидаларини соддалаштиришдан иборат.

Ҳужжатга мувофиқ, Ўзбекистон ва Қирғизистон фуқаролари давлат чегарасини кесиб ўтганидан кейин 15 кун мобайнида қабул қилувчи мамлакатнинг ваколатли органларида доимий ёки вақтинчалик рўйхатдан ўтиши шарт бўлмайди.

Бу ўзгариш амалдаги тартибни сезиларли даражада енгиллаштиради. Чунки ҳозиргача Қирғизистон қонунчилигига кўра, Ўзбекистон фуқаролари мамлакатга кирганидан кейин беш кун ичида ички ишлар органларида рўйхатдан ўтиши лозим бўлган.

Ўзбекистон президенти Қирғизистонга борди

Бугун, 30 июл куни, Қирғизистон ва Ўзбекистон президентлари Садир Жапаров ва Шавкат Мирзиёев Чўлпонота шаҳрида яккама-якка ва кенгайтирилган музокаралар ўтказди.

Учрашувдан маълум бўлишича, ўзаро савдо ҳажмини 2 миллиард долларга етказиш вазифасидан келиб чиқиб, яқин фурсатда импорт ўрнини фаол босиш асосида ўзаро маҳсулот етказиб бериш ҳажмларини ошириш чоралари кўрилади. Шунингдек, икки давлат пойтахтларида савдо уйлари ва ваколатхоналари очилади.

Шунингдек, Қирғизистоннинг Чўлпонота шаҳридаги «Руҳ Ордо» маданият марказида Ўзбекистон президенти Шавкат Мирзиёевни I даражали «Манас» ордени билан тақдирлаш маросими ҳам бўлиб ўтди.

Теглар

Қирғизистон ТИВ сафар рўйхат чегара Ўзбекистон

Мавзуга оид

Бугун 19:15

Ўзбекистон ва Қирғизистон ўртасида иттифоқчилик муносабатлари ўрнатилди

Давлат раҳбарлари ҳузурида яна 11 та икки томонлама ҳужжатлар алмашилди.

Бугун 16:50

Шавкат Мирзиёев Қирғизистоннинг I даражали «Манас» ордени билан тақдирланди

У республика ва хориж фуқароларига давлатчилик ва халқаро ҳамкорликни мустаҳкамлаш, халқлар ўртасида тинчлик, дўстлик ва ўзаро англашув ришталарини ривожлантиришга қўшган улкан ҳиссаси учун берилади.

Бугун 16:35

Тошкент шаҳрида тўртта рамзий дарвоза қурилади

Пойтахтдаги «Чорсу» ва «Эски Жува» реконструкция қилиниб, шаҳарда тўртта рамзий дарвоза, «Ёшлар шаҳарчаси», экобоғлар ва янги туристик масканлар қурилади.

Бугун 18:20

«Халқ банки» реклама ва креатив хизматлар учун 15 млрд сўмдан ошиқ тендер ўтказмоқда

Маблағнинг қарийб 10 млрд сўми банк маҳсулотларини ТВда реклама қилишга йўналтирилади. Яна 4,2 млрд сўмга креатив платформа ва видеороликлар ишлаб чиқиш, 925 млн сўмга эса Тошкентдаги LED экранларга реклама жойлаштириш режалаштирилган. Техник топшириқларда айрим бир-бирига мос келмайдиган талаблар ҳам бор.

Бугун 16:08

Ўзбекистон ва Қирғизистон савдо айланмасини 2 млрд долларга етказмоқчи

Сўнгги йилларда икки давлат ўртасидаги ўзаро товар айирбошлаш ҳажми қарийб 10 баробарга ошиб, ўтган йил якуни билан 1,2 млрд долларга етди.

Бугун 19:35

Ҳафталик нархлар таҳлили: қайси маҳсулот қимматлаб, қайси арзонлади?

Мева ва сабзавотлар бозорида янги ҳосилнинг кўпайиши ҳисобига нархлар турлича шаклланган бўлса, гўшт ва кундалик маҳсулотлар нархларида бироз пасайиш кузатилди. Шу билан бирга, мол гўштининг энг юқори нархи Тошкент шаҳри ва Жиззах вилоятида қайд этилди.