Ўзбекистонликлар Рамазон ҳайити ва Наврўз байрамида неча кун дам олиши маълум қилинди
Ҳафтасига беш кун ишловчи ўзбекистонликлар Рамазон ҳайити ва Наврўз байрами муносабати билан кетма-кет 4 кун, ҳафтасига 6 кун ишлайдиганлар 3 кун дам олади.
Рамазон ҳайити ва Наврўз байрамида ҳафтасига 5 кун ишлайдиганлар 4 кун, яъни 20−23 март саналарида, ҳафтасига 6 кун ишлайдиганлар 3 кун, яъни 20−22 март саналарида дам олади дея хабар бермоқда Адлия вазирлиги.
Меҳнат кодексига мувофиқ, байрам санаси дам олиш кунларига тўғри келиб қолса, дам олиш куни кейинги иш кунига кўчирилади. Шунга кўра, ҳафтада 5 кун ишлайдиганлар 4 кун дам олади:
20 март, жума — Рамазон ҳайити куни (ҳозирча расман эълон қилинмади);
21 март, шанба — Наврўз байрами куни;
22 март, якшанба — дам олиш куни;
23 март, душанба — байрамдан кўчирилган қўшимча дам олиш куни.
Ҳафтада 6 кун ишлайдиганлар эса 3 кун дам олади:
20 март, жума — Рамазон ҳайити куни;
21 март, шанба — Наврўз байрами куни;
22 март, якшанба — дам олиш куни.
