Пойтахтдаги Қатортол кўчаси ва бозори атрофидаги ноқонуний қурилмалар бузилмоқда

Бугун 17:531 дақиқа

Суд қарори билан бузилаётганлар орасида «Номдор» тамаддихонаси ҳам бор. Ишсиз қолаётган ходимларни иш билан таъминлашда ҳокимлик томонидан амалий ёрдам берилиши айтилган.

Пойтахтдаги Қатортол кўчаси ва бозори атрофидаги ноқонуний қурилмалар бузилмоқда

Тошкентнинг Қатортол кўчаси ва бозори атрофидаги ноқонуний қурилмалар бузилмоқда. Бу ҳақда пойтахт ҳокимлиги матбуот хизмати хабар берди.

Ҳокимликка кўра, илгари бу тирбанд ҳудудда пиёдаларнинг хавфсиз юриши деярли имконсиз эди. Энди эса ушбу пиёдалар йўлаги тўлиқ аҳоли ихтиёрига берилмоқда.

«Ноқонуний қурилмалар туфайли одамлар кўпинча йўлнинг қатнов қисмига чиқишга мажбур бўлар эди. Асосий эътибор жамоат жойларини ноқонуний қурилмалардан тозалаш, ободонлаштириш, муҳандислик-коммуникация инфратузилмасини ривожлантириш ҳамда хавфсиз шаҳар муҳитини яратишга қаратилди», — дейилади хабарда.

Шунингдек, «Номдор» тамаддихонаси ҳам суд қарори билан бузилмоқда. Чилонзор тумани ҳокимлигининг ёзишича, кўчада жойлашган ушбу умумий овқатланиш шохобчаси ҳам рухсатномасиз қурилгани боис тадбиркор огоҳлантирилган эди. Фаолият тўхтатилмагач, ҳокимлик томонидан судга даъво аризаси киритилган.

«Суд қарорига кўра, объект ноқонуний деб топилди ва айни пайтда бино бузилмоқда», — дея ёзади туман ҳокимлиги.

Таъкидланишича, тамаддихона эгасига қонун доирасида бошқа жойда ўз фаолиятини ташкил қилиши мумкинлиги тушунтирилган. Шунингдек, ишсиз қолаётган ходимларни иш билан таъминлашда ҳокимлик томонидан амалий ёрдам берилиши айтилган.

Эслатиб ўтамиз, аввалроқ Тошкентда реновация учун «квартиралар банки» ташкил этилиши ҳақида ёзган эдик.

Теглар

суд Чилонзор ҳокимлик Тошкент Қатортол ноқонуний қурилмалар бузилиш Номдор

Мавзуга оид

Кеча 20:20

«Ўзбекгеофизика»ни модернизация қилишга 38,8 млн доллар йўналтирилади

Марказда замонавий суперкомпютер мажмуаси ўрнатилади, янги дастурий таъминотлар харид қилиниб, сейсмик тадқиқотларда сунъий интеллектдан кенг фойдаланиш йўлга қўйилади.

01.08.2026 | 22:02

Мирободдаги болалар майдончаси ўрнидаги ноқонуний қурилиш бўйича жиноят иши қўзғатилди

Аввалроқ Саида Мирзиёева Миробод туманидаги «Лолазор» маҳалласида ўрганиш ишларини олиб борганди. Иш доирасида бир нафар шахс гумонланувчи сифатида қўлга олинди.

Кеча 19:10

Олмазордаги «котлован» ўпирилиши. Воқеа жойидан репортаж

Куни кеча, 2 август куни пойтахтнинг Олмазор тумани Беруний кўчасида 9 қаватли уй ёнида меҳмонхона қуриш учун қазилган «котлован» чети ўпирилди. Буни акс эттирувчи видеолар ижтимоий тармоқларда ҳам тарқалди. Ҳодиса Орзу массиви, учинчи уй манзилида жойлашган қурилиш объектида юз берган. Vaqt.uz мухбири мазкур ҳодиса тафсилотларини ўрганиш учун воқеа жойига етиб борди ва у ердаги аҳолига микрофон билан юзланди.

01.08.2026 | 20:55

Юнусободдаги 271-мактаб ҳудуди аввалги ҳолатига қайтарилди

31-июл куни Юнусобод туманида болалар майдончалари ва спорт ўйингоҳлари ҳудудларидаги қурилиш ҳолатлари ўрганилди.

Кеча 17:20

Олмазордаги ҳодиса бўйича жиноят иши очилди

Ушбу қурилишга алоқадор МЧЖ мансабдор шахсларининг хатти-ҳаракатларида Жиноят кодексининг 2 та моддасида назарда тутилган жиноят аломатлари мавжудлиги аниқланган.

Кеча 20:00

«Newport» қурилиши доирасида уйидан мажбуран кўчирилган фуқаролар иши бўйича расмий изоҳ берилди

Тошкент шаҳрининг Яккасарой туманида яшовчи фуқаролар «Newport» қурилиши доирасида ўз уйларидан мажбуран чиқариб юборилгани ва бу бўйича Президент Администрацияси раҳбарига видеомурожаат йўллагани ортидан шаҳар прокуратураси текширув бошлади.