Президент Жавоҳир Синдаровни шахсан табриклаб, унга фахрий унвон топширди
Мирзиёев Жавоҳир Синдоров яқинда эришган ғалабаси билан ўзбек ёшларининг нималарга қодирлигини бутун дунёга яна бир бор намоён этганини таъкидлади.
Бугун, 28 ноябр куни Ўзбекистон Президенти Шавкат Мирзиёев шахмат бўйича Жаҳон кубоги ғолиби Жавоҳир Синдоровга «Ўзбекистон Республикасида хизмат кўрсатган спортчи» фахрий унвонини топширди.
Ўзбекистон раҳбари матбуот хизматининг хабар беришича, тантанали маросим Тошкентдаги Халқаро конгресс марказида сунъий интеллектга бағишланган халқаро форумнинг очилиши чоғида ўтказилди. Давлат раҳбари Жавоҳир Синдоров Ҳиндистонда шахмат бўйича Жаҳон кубогида ғалаба қозониб, ўзбек ёшларининг нималарга қодирлигини бутун дунёга яна бир бор намоён этганини таъкидлаган.
Эслатиб ўтамиз, гроссмейстер Жавоҳир Синдаров 26 ноябр куни Ҳиндистоннинг Гоа шаҳрида бўлиб ўтган жаҳон чемпионатида хитойлик Вей Йини тай-брейкда мағлуб этди ва Жаҳон кубоги ғолиби бўлди. Бу билан Синдаров 120 минг доллар мукофот пулига эга бўлди.
Таъкидлаш керакки, Синдаровга қадар тарихда бирон марта ўзбек шахматчиси Жаҳон кубоги финалига қадар етиб кела олмаган. Энди ушбу муваффақият орқали Жавоҳир Синдоров 2026 йилнинг март ойида ўтказиладиган номзодлар турнирида иштирок этади.
Ўзбекистонда Шавкат Мирзиёев фармони билан шахматчи «Ўзбекистон Республикасида хизмат кўрсатган спортчи» фахрий унвони, президент совғаси — 3 хонали хонадон билан тақдирланди.
Синдаров — дунёнинг энг ёш гроссмейстерларидан бири. 2022 йилда Ўзбекистон терма жамоаси таркибида Бутунжаҳон шахмат олимпиадасида ғолиб чиққан.
