Putindan tortib Erdo‘g‘angacha: Shavkat Mirziyoyevni tug‘ilgan kuni bilan kimlar tabrikladi?

Bugun, 24-iyul kuni O‘zbekiston Respublikasi Prezidenti Shavkat Mirziyoyevning tavallud kuni munosabati bilan xorijiy davlatlar, hukumatlar va parlamentlar, nufuzli xalqaro va mintaqaviy tashkilotlar, moliyaviy institutlar, yetakchi xorijiy kompaniyalar rahbarlari, taniqli jamoat va din arboblaridan samimiy qutlovlar kelmoqda.

Xorijiy hamkorlar o‘z maktublarida O‘zbekiston Prezidenti rahbarligida mamlakatning iqtisodiy salohiyatini mustahkamlash, aholining turmush darajasini oshirish hamda davlatning mintaqadagi va xalqaro maydondagi nufuzini yuksaltirish borasida erishilgan natijalarni yuksak baholagan.

O‘zbekiston rahbariga mustahkam sog‘liq, baxt-saodat va davlatchilik faoliyatida yangi muvaffaqiyatlar, O‘zbekistonning ko‘p millatli xalqiga esa tinchlik-osoyishtalik va ravnaq tilaklari izhor etilgan.

Jumladan, quyidagilar o‘z tabriklarini yo‘llagan:

• Rossiya Federatsiyasi Prezidenti Vladimir Putin,

• Xitoy Xalq Respublikasi Raisi Si Jinpin,

• Qozog‘iston Respublikasi Prezidenti Qasim-Jomart Toqayev,

• Qirg‘iz Respublikasi Prezidenti Sadir Japarov,

• Tojikiston Respublikasi Prezidenti Emomali Rahmon,

• Turkmaniston Prezidenti Serdar Berdimuhamedov,

• Turkman xalqining milliy yetakchisi, Turkmaniston Xalq Maslahati Raisi Gurbanguli Berdimuhamedov,

• Ozarbayjon Respublikasi Prezidenti Ilhom Aliyev,

• Belarus Respublikasi Prezidenti Aleksandr Lukashenko,

• Qozog‘iston Respublikasining birinchi Prezidenti Nursulton Nazarboyev,

• Turkiya Respublikasi Prezidenti Rejep Tayyip Erdog‘an,

• Misr Arab Respublikasi Prezidenti Abdulfattoh as-Sisi,

• Koreya Respublikasi Prezidenti Li Chje Myon,

• Yevropa kengashi Raisi Antoniu Koshta,

• Fransiya Respublikasi Prezidenti Emmanuel Makron,

• Italiya Respublikasi Prezidenti Serjo Mattarella,

• Italiya Respublikasi Vazirlar Kengashi Raisi Jorja Meloni,

• Sloveniya Respublikasi Prezidenti Natasha Pirs Musar,

• Albaniya Respublikasi Prezidenti Bayram Begay,

• Gruziya Prezidenti Mixail Kavelashvili,

• Armaniston Respublikasi Prezidenti Vaagn Xachaturyan,

• Armaniston Respublikasi Bosh vaziri Nikol Pashinyan,

• Qatar Davlati Amiri Shayx Tamim bin Hamad Ol Soniy,

• Birlashgan Arab Amirliklari Prezidenti Shayx Muhammad bin Zoid Ol Nahayon,

• Birlashgan Arab Amirliklari Vitse-prezidenti, Bosh vaziri o‘rinbosari, Prezident devoni raisi Shayx Mansur bin Zoid Ol Nahayon,

• Birlashgan Arab Amirliklari Bosh vazirining o‘rinbosari, ichki ishlar vaziri Shayx Sayf bin Zoid Ol Nahayon,

• Iroq Respublikasi Prezidenti Nizor Omidiy,

• Myanma Ittifoqi Respublikasi Prezidenti Min Aun Xlayn,

• Rossiya Federatsiyasi Federal Majlisi Federatsiya Kengashi Raisi Valentina Matviyenko,

• Belarus Respublikasi Milliy Majlisi Respublika Kengashi Raisi Natalya Kochanova,

• Rossiya Federatsiyasi Xavfsizlik kengashi raisining o‘rinbosari Dmitriy Medvedev,

• Rossiya Federatsiyasi Hukumati Raisi Mixail Mishustin,

• Rossiya Federatsiyasi Hukumati Raisining birinchi o‘rinbosari Denis Manturov,

• Tatariston Respublikasi Raisi Rustam Minnixanov,

• Amerika Qo‘shma Shtatlari Kongressi Senati a’zosi Stiv Deyns,

• Amerika Qo‘shma Shtatlari Kongressi Vakillar palatasi a’zolari Jo Vilson, Trent Kelli, Kerol Miller, Bill Xayzenga va Jeyson Smit,

• Turkiy davlatlar tashkiloti Bosh kotibi Kubanichbek Omuraliyev,

• Mustaqil Davlatlar Hamdo‘stligi Bosh kotibi Sergey Lebedev,

• Shanxay hamkorlik tashkiloti Bosh kotibi Nurlan Yermekbayev,

• Yevropada xavfsizlik va hamkorlik tashkiloti Bosh kotibi Feridun Sinirliog‘lu,

• Iqtisodiy hamkorlik tashkiloti Bosh kotibi Asad Xon,

• BMT Bosh kotibi o‘rinbosari – BMTning Aholishunoslik jamg‘armasi (YUNFPA) ijrochi direktori Diyene Keyta,

• Mustaqil Davlatlar Hamdo‘stligi a’zo davlatlari Parlamentlararo assambleyasi Kengashi Bosh kotibi Dmitriy Kobitskiy,

• Yevroosiyo iqtisodiy komissiyasi Hay’ati Raisi Bakitjan Sagintayev,

• Ta’lim, fan va madaniyat masalalari bo‘yicha Islom tashkiloti (AYSESKO) Bosh direktori Salim Al-Malik,

• Xalqaro mehnat tashkiloti bosh direktori Jilber Ungbo,

• Yevropa tiklanish va taraqqiyot banki Prezidenti Odil Reno-Basso,

• Yevroosiyo taraqqiyot banki boshqaruvi raisi Nikolay Podguzov,

• Xalqaro dzyudo federatsiyasi Prezidenti Marius Vizer,

• Moskva va Butun Rus Patriarxi Kirill,

• Kavkaz musulmonlari idorasi raisi Ollohshukur Poshozoda.

Qutlovlar kelishda davom etmoqda.

Shavkat Mirziyoyev biografiyasi

Shavkat Miromonovich Mirziyoyev 1957 yil 24-iyulda Jizzax viloyatining Zomin tumanida tug‘ilgan. Ma’lumoti oliy, muhandis-mexanik, texnika fanlari nomzodi va dotsent.

Mehnat faoliyatini 1981 yilda Toshkent irrigatsiya va qishloq xo‘jaligini mexanizatsiyalash muhandislari institutidan boshlab, prorektorlikkacha bo‘lgan yo‘lni bosib o‘tgan. 1990 yilda Respublika Oliy Soveti deputati bo‘lgan.

1992 yilda Toshkent shahri Mirzo Ulug‘bek tumani hokimi, 1996–2001 yillarda Jizzax viloyati hokimi, 2001–2003 yillarda Samarqand viloyati hokimi lavozimlarida ishlagan. 2003–2016 yillarda esa O‘zbekiston Bosh vaziri lavozimini egallagan.

2016 yil 8-sentabrdan prezident vazifasini vaqtincha bajaruvchi bo‘lgan. 2016 yil 4-dekabrda o‘tkazilgan saylovda mamlakat Prezidenti etib saylangan va 2021 yilda ikkinchi muddatga qayta saylangan.

Oilali, uch nafar farzandi va olti nafar nabirasi bor. Rafiqasi Ziroat Mirziyoyeva muhandis-iqtisodchi. Samarali mehnati uchun “Mehnat shuhrati” va “Fidokorona xizmatlari uchun” ordenlari bilan taqdirlangan.