Qozog‘iston iqtisodiyotini kreditlash hajmi qariyb 12 milliard dollarga oshdi

Bir yil davomida banklarning kredit portfeli 14,4 foizga yoki 5,6 trln tengega (12 mlrd dollar) oshib, 44,8 trln tengega (96,2 mlrd dollar) yetdi. Bu haqda «Ranking.kz» xabar berdi.

2026-yil 1-iyul holatiga ko‘ra, Qozog‘istonda 23 ta ikkinchi darajali bank faoliyat yuritgan. Bank sektoridagi umumiy o‘sish bilan bir qatorda iqtisodiyotni kreditlash hajmi ham ortib bormoqda. Qozog‘iston bank sektori so‘nggi yillarda asosiy ko‘rsatkichlar bo‘yicha ijobiy dinamikani saqlab kelmoqda. Iqtisodiyotni kreditlash esa mamlakatdagi iqtisodiy faollikni qo‘llab-quvvatlovchi muhim yo‘nalishlardan biri bo‘lib qolmoqda.

Shu bilan birga, kredit bozoridagi o‘sish barcha banklar o‘rtasida bir xil taqsimlanmagan. Mamlakatda 23 ta bank faoliyat yuritayotgan bo‘lsa-da, kredit portfeli o‘sishining asosiy qismi eng yirik banklar hisobiga to‘g‘ri kelgan. Yillik o‘sishning 86 foizdan ortig‘ini yirik banklar ta’minlagan. Bu Qozog‘iston kredit bozorida eng katta moliyaviy tashkilotlarning ulushi yuqori ekanini ko‘rsatadi.

Umuman, iqtisodiyotni kreditlash hajmining oshishi Qozog‘iston moliya bozoridagi asosiy tendensiyalardan biri bo‘lib qolmoqda. Kreditlar hajmining o‘sishida esa mamlakatning eng yirik banklari hal qiluvchi rol o‘ynamoqda.

Eslatib o‘tamiz, avvalroq Qozog‘iston bank aktivlari rekord darajada oshgandi. So‘nggi besh yil ichida Qozog‘iston banklarining umumiy aktivlari ikki baravardan ko‘proqqa ko‘paydi.