Қозоғистонда нефт қазиб олиш 20 фоиздан кўпроққа камайди

Қозоғистонда мамлакат нефт экспортининг асосий қисми амалга ошириладиган Қора денгиз терминалидаги операциялар тўхтатилгандан сўнг нефть қазиб олиш ҳажмининг пасайиши кузатилди. Бу ҳақда «Inbusiness.kz» хабар берди.

Саноат манбаларига кўра, терминал дрон ҳужумларидан кейин ёпилган. Ишлаб чиқаришнинг энг сезиларли пасайиши «Chevron» томонидан ишлаб чиқилаётган мамлакатнинг энг йирик нефть кони бўлган «Тенгиз» конида кузатилди.

Манбаларга кўра, экспорт ҳажмининг чеклангани нефть қазиб олиш ҳажмига бевосита таъсир кўрсатган. Қора денгиз терминали Қозоғистон нефтини жаҳон бозорларига етказиб беришда муҳим роль ўйнайди, шунинг учун унинг вақтинча ёпилиши саноатга сезиларли таъсир кўрсатди.

Бир манбага кўра, у ерда ишлаб чиқариш июль ойидаги ўртача кунига 925 минг баррелдан 22-июль куни икки баравардан кўпроққа камайиб, 406 минг баррелга етди. Манбага кўра, Қозоғистонда нефть ва газ конденсати ишлаб чиқаришнинг умумий ҳажми кеча июль ойидаги кунига 2,07 миллион баррелдан 1,63 миллион баррелгача камайди.

«Chevron» ва Қозоғистон Энергетика вазирлиги сўровларга жавоб бермаган. Каспий қувур линияси консорциуми 20-июль куни Россиядаги Қора денгиз терминали яқинида нефть танкерларига қилинган ҳужумлар туфайли юклаш тўхтатилгандан сўнг, Қозоғистондан нефть қабул қилишни тўхтатди. Қозоғистон нефть экспортининг 80 фоиздан ортиғини ташкил этувчи CPC аввалроқ чиқишда юклашни тўхтатган эди.

Россия Украинани «глобал нефть бозорларидаги вазиятни янада беқарорлаштириш истаги» доирасида Каспий қувур линияси консорциумининг танкерларига ҳужум қилганликда айблади.

Эслатиб ўтамиз, аввалроқ Қозоғистонда нефть компанияси ярим миллиардга жаримага тортилганди.