Қозоғистонда қиймати 108 млрд тенгелик тиббиёт муассасалари қурилади

Қозоғистонда умумий қиймати 108 миллиард тенге бўлган 51 та тиббиёт муассасаси қурилмоқда. Бу ҳақда Қазинформ ахборот агентлиги маълум қилди.
 
Соғлиқни сақлаш вазирлиги Президентнинг тиббий ёрдамдан фойдаланиш имконияти ва сифатини оширишга қаратилган вазифаларига мувофиқ кенг кўламли соғлиқни сақлаш инфратузилмаси лойиҳаларини ишлаб чиқишда давом этмоқда.
 
Хусусан, Қозоғистонда умумий қиймати 108 миллиард тенге бўлган 51 та тиббиёт муассасаси қурилиши режалаштирилган. Шундан 55 миллиард тенге қишлоқ соғлиқни сақлашни модернизация қилиш миллий лойиҳаси доирасида туман касалхоналарини модернизация қилишга, 53 миллиард тенге эса бюджет инвестиция лойиҳаларига йўналтирилади.
 
Мамлакатда қишлоқ соғлиқни сақлашни ривожлантиришга алоҳида эътибор қаратилмоқда. Йил охирига қадар 32 та туман касалхонасини модернизация қилиш режалаштирилган. Лойиҳа юрак касалликлари ва инсультдан эрта ўлимни деярли 20 фоизга камайтириши кутилмоқда.