Россия чеклов қўйган Ўзбекистоннинг 5 экспортчи корхонаси текширувга олинди

Бугун 10:552 дақиқа

Россия фитосанитар талаблар бузилганини қайд этган Ўзбекистоннинг бешта экспортчи корхонасида текширувлар бошланди. Мазкур корхоналар Хоразм, Сурхондарё, Навоий ва Бухоро вилоятларида жойлашган корхоналар бўлган.

Россия чеклов қўйган Ўзбекистоннинг 5 экспортчи корхонаси текширувга олинди

Озиқ-овқат маҳсулотлари хавфсизлиги қўмитаси Россия томони фитосанитария талабларини мунтазам бузган деб топган бешта экспортчи корхона фаолиятини ўрганишни бошлади.

Аввалроқ «Росселхознадзор» 23-июлдан бошлаб фитосанитар талабларни энг кўп бузган Ўзбекистоннинг бешта экспортчиси учун Россия ҳудудига маҳсулот олиб киришга чеклов жорий этганлиги ҳақида хабар берилгандии.

Маълумотларга кўра, Россия томони ушбу қарор бўйича расмий маълумотларни Ўзбекистонга тақдим этган.

Тақдим этилган ҳужжатларга кўра, қоидабузарликлар Хоразм вилояти Янгибозор туманидаги битта корхонада 15 марта, Сурхондарё вилояти Узун туманидаги битта корхонада 11 марта, Навоий вилояти Қизилтепа туманида жойлашган иккита корхонада жами 15 марта ҳамда Бухоро вилояти Ғиждувон туманидаги битта корхонада 7 марта қайд этилган.

Нималар текширилади?

Қўмита ҳар бир корхона кесимида маҳсулотни етиштириш, сақлаш, саралаш ва экспортга тайёрлаш жараёнларини ўрганмоқда.

Шунингдек, фитосанитария назорати ҳамда маҳсулотнинг келиб чиқишини кузатиш тизимининг амалдаги ҳолати текширилади. Ўрганишлар якунларига кўра миллий қонунчилик ва халқаро фитосанитария талаблари асосида тегишли ҳуқуқий ҳамда ташкилий чоралар кўрилиши режалаштирилган.

Қайд этилишича, «Росселхознадзор» билан ишчи мулоқотлар давом эттирилиб, мавжуд камчиликларни бартараф этиш, фитосанитар хавфларни камайтириш ва жорий этилган чекловларни қисқа муддатда бекор қилиш бўйича ишлар олиб борилади.

Бошқа экспортчиларга таъсири

Озиқ-овқат маҳсулотлари хавфсизлиги қўмитаси Россия томони жорий этган чекловлар фақат фитосанитар талабларни бузгани қайд этилган ушбу бешта экспортчи корхонага тааллуқли эканини таъкидлади.

Қўмитага кўра, белгиланган фитосанитар талабларга тўлиқ риоя қилаётган бошқа маҳаллий экспортчилар учун ҳеч қандай чеклов жорий этилмаган. Улар маҳсулотларини Россия ва бошқа ташқи бозорларга амалдаги тартиб асосида экспорт қилишда давом этмоқда.

Теглар

экспорт фитосанитария корхоналар қўмита Росселхознадзор Россия

Мавзуга оид

Бугун 08:20

Марказий банк карталарни иловага улаш ва идентификация бўйича талабларни ўзгартиришни таклиф қилди

Марказий банк масофавий молиявий хизматлардан фойдаланиш тартибини соддалаштиришни таклиф қилди. Лойиҳа банк иловаларида биометрик текширув, банк карталарини улаш ва П2П ўтказмалар бўйича бир қатор талабларни енгилликларни назарда тутади.

Кеча 23:30

Маош бўйича Остонадан ортда қолаётган Тошкент, Чорвоқ пляжларини талашган тўдалар ва старт берилган Тошкент–Самарқанд пулли йўли — 22 июл дайжести

Кун давомида Ўзбекистонда юз берган воқеалар ва ҳодисалар, ёритилган янгиликлар ва хабарларнинг энг муҳимларини яна бир бор эсга оламиз.

Кеча 22:19

Битта код, турли иловалар: UzQR тизими қандай ишлайди?

1-июлдан савдо ва хизмат кўрсатиш соҳасидаги юридик шахслар UzQR орқали тўлов қабул қилиши шарт. Ягона QR-код қандай ишлайди, комиссияни ким тўлайди ва унинг бошқалардан фарқи қандай?

Бугун 09:00

Президент Нурафшондаги 50 миллион долларлик махсус техника корхонасига борди

Ушбу лойиҳа 25,8 гектар майдонда ташкил этилган бўлиб, ҳозирги кунда «KRANTAS» бренди остида махсус турдаги автомобиллар, ҳарбий техника ва турли механизмлар ишлаб чиқармоқда.

Бугун 08:00

Ўзбекистоннинг Sino AI стартапи 100 минг доллар инвестиция жалб қилди

HealthTech йўналишида фаолият юритувчи Ўзбекистоннинг Sino AI стартапи First Wings Ventures венчур жамғармасидан 100 минг доллар инвестиция жалб қилди.

Кеча 21:30