Россия Давлат думаси Telegram ва WhatsApp’да рўйхатдан ўтишни блоклашни маъқуллади

01.11.2025 | 11:252212

Дума қўмитаси Telegram ва WhatsApp’да SMS орқали рўйхатдан ўтишни тақиқлашни «замон талаби» деб атади. Депутатлар бу чора давлат мессенжери Max’нинг ривожига хизмат қилишини таъкидлади.

Россия Давлат думаси Telegram ва WhatsApp’да рўйхатдан ўтишни блоклашни маъқуллади

Россия Давлат думаси ахборот сиёсати бўйича қўмитаси Telegram ва WhatsApp мессенжерларида рўйхатдан ўтиш учун SMS ва қўнғироқларни блоклашни қўллаб-қувватлади. Қўмита раиси ўринбосари Александр Юшченко бу қарорни «тўғри ва замон талабига мос», деб атади. Унинг сўзларига кўра, бу чора Россиянинг давлат мессенжери Max платформасини қўллаб-қувватлаш мақсадида жорий этилган.

«Бу чеклов фойдаланувчиларга жиддий таъсир қилмайди. Бу, аксинча, ички рақамли маҳсулотни ривожлантиришга ёрдам беради», — деди Юшченко «Подъём» нашрига берган изоҳида. У шундай қўшимча ҳам қилди: «Ким WhatsApp ёки Telegram’дан фойдаланишни хоҳлаган бўлса, аллақачон рўйхатдан ўтган. Қолганлар эса Max’га ўтиши мумкин — бу мутлақо одатий жараён».

Юшченко, шунингдек, бу чекловни қонун даражасида мустаҳкамлаш «мантиқан тўғри бўлиши»ни таъкидлади. Унга кўра, давлатнинг мақсади — хорижий мессенжерлар фаолиятини қийинлаштириш ва миллий рақамли инфратузилмага устуворлик бериш.

Ахборот қўмитаси раҳбарининг ўринбосари Олег Матвейчев ҳам WhatsApp’да рўйхатдан ўтишни тақиқлаш ташаббусини қўллаб-қувватлади. Унинг фикрича, компания Россия қонунларига бўйсуниб иш тутмаётгани сабабли унинг фаолияти чекланиши керак. Матвейчев WhatsApp’ни «қонунбузар мигрант»га қиёслаб, «бундай ҳолатда депортация зарур», деган ташбеҳни келтирди.

Аввалроқ «Код Дурова» интернет-нашри томонидан Россия телеком бозоридаги манбаларга таяниб, айрим мобил операторлар Telegram ва WhatsApp учун SMS ва қўнғироқлар орқали рўйхатдан ўтиш кодларини блоклай бошлаганини хабар қилинган эди.

Теглар

Россия Telegram Давлат Думаси цензура WhatsApp MAX

Мавзуга оид

30.10.2025 | 09:11

АҚШ Федерал захира тизими иккинчи бор фоиз ставкасини пастлади

АҚШ Федерал захира тизими (ФЗТ) 29 октябр куни ўтказилган йиғилиш натижасига кўра асосий фоиз ставкасига яна 0,25 фоизлик қисқартириш киритди — энди у 3,75–4 фоиз даражасида.

Кеча 13:55

«Apple’га ўтсанг, аҳмоқ бўласан» — Тим Кук Стив Жобс ўрнини қандай эгаллади?

Тим Кук 2011 йилдан бери Apple корпорацияга раҳбарлик қилмоқда — бу Стив Жобс бошқарган даврдан ҳам узоқроқ. Унинг даврида саноатда инқилоб қилган янги гаджет пайдо бўлмади, бироқ «олмали» компания дунёдаги энг қиммат корпорациялардан бирига айланди.

31.10.2025 | 08:38

Россия нефт маҳсулотлари экспорти 2022 йилдан бери энг паст даражага тушди

Ғарб санкциялари ва Украина зарбалари оқибатида нефт маҳсулотлари экспорти октябр ойида суткасига 1,89 млн баррелгача қисқарди — бу уруш бошланганидан бери энг паст кўрсаткич ҳисобланади.

28.10.2025 | 11:29

Қозоғистондаги терактнинг олди олинди

Террор ҳужум беш нафар чет эл фуқароси томонидан режалаштирилган.

28.10.2025 | 09:40

Туркияда 6,1 баллик зилзила содир бўлди

Туркиянинг Синдирги шаҳрида 6,1 магнитудали зилзила содир бўлди. Зилзила кучи Истанбул ва Измирда ҳам сезилган.

01.11.2025 | 19:25

«Мелисса» довули 50 млрд долларлик иқтисодий зарар келтирди

Кариб денгизи ҳавзасидаги «Мелисса» довули Ямайка ва Кубани вайрон қилди. 185 миля/соат тезликда ҳаракатланган табиий офат оқибатида камида 50 киши ҳалок бўлган.