Россия Европага «сюрприз» тайёрламоқда
Европа Иттифоқи Россиянинг музлатилган активларини мусодара қилишга қарор қилса, Москва жавоб чоралари пакетини тайёрламоқда. Бу ҳақда Россия ТИВ расмий вакили Мария Захарова брифингда маълум қилди, дея хабар берди «Коммерсант».
У активларнинг эҳтимолий олиб қўйилишини «ўғирлик» деб атади ва Россия Федерациясининг реакцияси «жуда қаттиқ» бўлишидан огоҳлантирди.
Шу билан бирга, Захарованинг сўзларига кўра, Россия томонининг жавоби Европа Иттифоқи учун «сюрприз» бўлади.
«Бундай реакция биз томондан ҳам бўлади ва албатта, бу ҳолат жаҳон ҳамжамиятининг реакциясисиз қолмайди. Ушбу ўғирлик, Россия активларини мусодара қилиш ҳолатида жавоб чоралари тўпламини тайёрлаш аллақачон олиб борилмоқда», - деди Захарова.
Унинг сўзларига кўра, Европа Иттифоқи мамлакатлари «дастлаб нотўғри стратегиянинг зарарли эканини» англаб етган. Блокнинг Россияга зарар етказиш истаги «деярли ҳамма нарсани тўсиб қўяди», - деди Захарова.
3 декабр куни Европа Комиссияси раиси Урсула фон дер Ляен Украинани молиялаштиришнинг икки йўлини таклиф этди: улардан бири Россия активларини мусодара қилишни назарда тутади. Унинг айтишича, репарация кредитини расмийлаштириш учун бундай чора Европа Иттифоқининг барча аъзо давлатлари розилигини талаб қилмайди. Кредитнинг энг юқори миқдори 210 миллиард евро бўлиб, маблағлар 2030 йилнинг охиригача ажратилади. Белгия Ташқи ишлар вазири Максим Прево Украинага бериладиган бундай кредитни «барча кредитлар ичида энг ёмони, чунки у ҳар қачонгидан ҳам хавфлироқ» деб таърифлади.
