Россиянинг энг бой одамлари эълон қилинди

«Forbes» журнали Россиянинг 2026 йил учун энг бой одамлари рейтингини эълон қилди. Рўйхатда «Северстал» бенефициари Алексей Мордашов етакчилик қилмоқда. Шунингдек, мамлакатнинг энг бой 10 нафар инсони қаторидан миллиардер Алишер Усманов ҳам жой олди.

Рўйхатга жами 155 нафар россиялик миллиардер киритилган. Қайд этилишича, Россиянинг энг бой одамларининг умумий бойлиги ўтган йилги 625,5 миллиард доллардан рекорд даражадаги 696,5 миллиард долларгача кўтарилган.

Рўйхатга Алексей Мордашов бошчилик қилмоқда, унинг бойлиги 37 миллиард долларга баҳоланмоқда. Иккинчи ўринда «Интеррос» холдинги эгаси ва «Норникел» президенти Владимир Потанин қайд этилган. Унинг бойлиги 29,7 миллиард доллар деб баҳоланди.

Рейтингнинг учинчи поғонасидан «Lukoil» асосчиси ва асосий акциядори Вагит Алекперов жой олди. «Forbes» унинг бойлигини 29,5 миллиард долларга баҳолади.

Мордашов, Потанин ва Алекперовдан ташқари, Россиянинг энг бой ўнта одами қаторига қуйидагилар кирди:

• «Новатэк» ПАЖ бошқаруви раиси Леонид Михелсон ва оиласи — 28,3 миллиард доллар;

• Федерация Кенгаши аъзоси Сулаймон Керимов ва оиласи — 25,7 миллиард доллар;

• Миллий спортинг федерацияси бошқаруви раиси Владимир Лисин — 25,5 миллиард доллар;

• Континентал хоккей лигаси директорлар кенгаши раиси Геннадий Тимченко — 24,2 миллиард доллар;

• Хусусий инвестор Андрей Мелниченко ва оиласи — 20,4 миллиард доллар;

• «LetterOne Holdings», «Алфа-Групп» компаниялари ва банкларининг собиқ аъзоси Михаил Фридман — 16,5 миллиард доллар;

• «USM» асосчиси ва асосий акциядори Алишер Усманов — 14,5 миллиард доллар.