Руминия вақтинча LUKOIL активларини назоратга олиши мумкин

LUKOIL компаниясига қарашли Петротел нефтни қайта ишлаш заводи маълум муддат давомида ҳукумат назоратига ўтиши мумкин. Бу ҳақда Руминия президенти Никушор Дан матбуот анжуманида маълум қилди.

«Шундай имконият борки, у махсус қонуний асосларни талаб қилади, бунда нефтни қайта ишлаш заводи чекланган муддат давомида Руминия давлати назоратига ўтиши мумкин», - деди у.

Президент таъкидлашича, мамлакатда стратегик аҳамиятга эга корхоналарни баҳолаш бўйича махсус комиссия фаолият юритмоқда. Бухарест LUKOIL'нинг маҳаллий активларини сотиб олишдан манфаатдор, аммо бу жараёнга шошилмаслик керак.

Дан Россия компанияси Руминияда нефтни қайта ишлаш заводи ва ёқилғи қуйиш шохобчаларига эгалик қилишини эслатиб ўтди.

«Айнан нефтни қайта ишлаш заводи муҳим, у ҳозирда техник хизмат кўрсатиш учун тўхтатилган ва бир неча ҳафтадан сўнг қайта ишга туширилади», - деди у.

Президент, шу билан бирга, заводнинг тўхтатилиши мамлакатнинг ёқилғи таъминотига жиддий таъсир кўрсатмаганини қайд этди. Аммо агар корхона фаолиятни тўхтатса, Руминия ташқи бозордан нефт маҳсулотларини кўпроқ импорт қилишга мажбур бўлишини таъкидлади.

Маълумот учун, АҚШ Молия вазирлиги яқинда “Лукойл” ва унинг шўба тузилмаларини санкциялар рўйхатига киритган эди. Қўшма Штатлар компанияга операцияларни якунлаш учун бир ой муҳлат берди. Бу ҳолат ортидан LUKOIL ўзининг халқаро активларини сотиш режасини билдирганди.

Аввалроқ Швейцариянинг Gunvor Group трейдери «LUKOIL International GmbH»ни сотиб олиш бўйича таклиф берган, аммо 7 ноябрь куни компания бу режадан воз кечганини маълум қилди. Бу қарор АҚШ Молия вазирлиги Gunvor'ни Россия билан алоқалар ҳақида огоҳлантирганидан кейин қабул қилинган.

LUKOIL ҳозирда 11 мамлакатда активларга эга, жумладан, Болгария, Руминия ва Нидерландиядаги нефтни қайта ишлаш заводлари, Европа ва Осиёдаги ёқилғи шохобчалари ҳамда Миср, Ироқ ва Ўзбекистондаги қазиб олиш лойиҳалари шулар жумласидандир.

Аввалроқ Яқинда АҚШ Молия вазирлиги Американинг янги санкциялар пакетига LUKOIL ва унинг шўба тузилмаларини киритди. Қўшма Штатлар LUKOIL ва унинг 50 фоизи ва ундан кўп улушга эга бўлган шўба корхоналари билан операцияларни якунлаш учун бир ой муҳлат берди. Шундан сўнг, LUKOIL чеклов чоралари жорий этилиши муносабати билан ўзининг халқаро активларини сотиш ниятида эканлигини маълум қилди.

30 октябр куни LUKOIL Gunvor group халқаро нефт трейдинг компаниясидан Россия компаниясининг хорижий активларига эгалик қилувчи LUKOIL International GmbH компаниясини сотиб олиш бўйича таклиф олганини эълон қилди. Таъкидлаш жоизки, Швецариянинг Gunvor Group хомашё трейдерига россиялик олигарх Геннадий Тимченко ва унинг швециялик ҳамкори Торберн Тернквист асос солган.

Бироқ, 7 ноябр куни Gunvor ўз таклифини қайтариб олишини маълум қилди. Компания ушбу баёнотни АҚШ Молия вазирлиги унинг Россия билан алоқалари ҳақида хабар берганидан ва Россия-Украина уруши давом этаётган бир пайтда Gunvor бизнес юритиш учун лицензия олмаслиги тўғрисида огоҳлантирганидан сўнг берди.

LUKOIL 11 мамлакатда, жумладан, Болгария, Руминия ва Нидерландиядаги нефтни қайта ишлаш заводлари, Европадаги АЁҚШ тармоғи, Озарбойжон, Қозоғистон, Ўзбекистон, Ироқ, Миср, БАА, шунингдек, Африка ва Лотин Америкаси мамлакатларидаги нефт қазиб олиш лойиҳалари каби активларга эгалик қилади.