Семизлик ва 2-турдаги қандли диабетга қарши «Sejaro» препарати Ўзбекистонда давлат рўйхатидан ўтказилди
ЖССТ ҳамда Санэпидқўмита маълумотларига кўра, Ўзбекистонда катта ёшли аҳолининг 64 фоизи ортиқча тана вазнига эга, ҳар бешинчи киши эса семизликдан азият чекади.
Ўзбекистонда семизлик ва 2-турдаги қандли диабетни даволаш учун мўлжалланган биринчи тирзепатид — «GEROPHARM» компаниясининг «Sejaro» препарати давлат рўйхатидан ўтказилди. Бу ҳақда компания матбуот хизмати хабар берди.
Препарат Американинг «Eli Lilly» компанияси томонидан ишлаб чиқарилган, 2025-йилда дунёда энг кўп сотилган дори воситасига айланган оригинал «Mounjaro» препаратига тўлиқ биоэквивалентдир.
авлат рўйхатидан ўтказилганлик гувоҳномасининг олиниши «Sejaro» препаратини Ўзбекистон бозорига чиқариш ҳамда беморлар учун тирзепатид асосидаги семизлик ва 2-турдаги қандли диабетни замонавий даволаш усулларидан фойдаланиш имкониятларини кенгайтиради.
Препаратнинг фаол моддаси бўлган тирзепатид — икки асосий инкретин гормони рецепторларини фаоллаштиради, очлик ҳиссини камайтиради, юқори калорияли озиқ-овқатга бўлган иштиёқни пасайтиради, тана вазнининг камайишига, висцерал ёғ тўқимаси ҳажмининг камайишига ва бел айланасининг кичрайишига ёрдам беради. Препарат тери остига юбориш учун мўлжалланган эритма билан тўлдирилган шприц-ручка шаклида ишлаб чиқарилади ва олти хил дозада тақдим этилади: 2,5 мг, 5 мг, 7,5 мг, 10 мг, 12,5 мг ва 15 мг. Препарат ҳафтада бир марта қўлланилади, дозани ошириш эса шифокор тавсиясига кўра босқичма-босқич амалга оширилади.
Тиббиёт мутахассисларининг алоҳида эътибори тирзепатиднинг висцерал ёғ тўқимасига таъсири билан боғлиқ. У организм учун энг хавфли ёғ турларидан бири бўлиб, ички аъзолар атрофида тўпланади ва 2-турдаги қандли диабет, артериал гипертензия ҳамда юрак-қон томир касалликларининг ривожланиш хавфини оширади. Халқаро клиник тадқиқотлар маълумотларига кўра, тирзепатидни қўллаш қандли диабет касаллиги бўлмаган беморларда 72 ҳафта давомида тана вазнининг 22,5 фоизгача камайишига ҳамда бел айланасининг ўртача 14,6 сантиметрга кичрайишига олиб келган.
Жаҳон соғлиқни сақлаш ташкилоти ҳамда Санэпидқўмита маълумотларига кўра, Ўзбекистонда катта ёшли аҳолининг 64 фоизи ортиқча тана вазнига эга, ҳар бешинчи киши эса семизликдан азият чекади. 1980-йилдан буён мамлакатда семизликнинг тарқалиш даражаси 36 фоизга ошган бўлиб, бу минтақадаги энг юқори ўсиш ҳолатларидан биридир. Семизлик сурункали касаллик бўлиб, 2-турдаги қандли диабет, юрак-қон томир ҳамда бошқа юқумли бўлмаган касалликлар ривожланиш хавфини сезиларли даражада оширади.
