Смартфонлар узоқроқ хизмат қилиши учун нималарга эътибор бериш керак?

Смартфонлар кундалик ҳаётнинг ажралмас қисмига айланган бир пайтда, ҳар йили янги моделларни сотиб олишга ҳамманинг ҳам имконияти етмайди. Янги олган смартфонингизнинг ҳам тез ишдан чиқиши ёки ишлашининг секинлашиши сизни безовта қилиб қўйиши аниқ. Аммо тўғри фойдаланиш орқали қурилмангиз умрини яна камида 2 йилга ошириш мумкин. Бунинг учун техник билимга эга бўлиш шарт эмас — кундалик оддий одатлар ҳам смартфон умрини сезиларли равишда узайтира олади.

Энг муҳим қадамлардан бири — тўғри қувватлантириш одатларига амал қилиш. Батарея қувватини 20–80 фоиз оралиғида ушлаш, кечқурунлари қувватлантиришга қўйиб қўймаслик тез эскиришининг олдини олади.

Сифатсиз қувватлагичлардан фойдаланиш батареяга жиддий зарар етказиши мумкин. Арзон адаптерлар токни беқарор бериб, батареяни аста-секин ишдан чиқаради. Сертификатланган ёки оригинал қувватлагичлардан фойдаланиш эса қурилманинг хавфсиз ишлашини таъминлайди. Автомобилда қувватлантириш частоталарнинг тез ўзгариши ҳам батарея учун қўшимча юк бўлиши мумкин. Wi-Fi тармоғидан фойдаланиш мобил интернетга нисбатан камроқ энергия сарфлайди.

Қурилмани қиздириб юбормаслик ҳам жуда муҳим. Тўғридан-тўғри қуёш нури, иссиқ муҳит ёки қувватланиш пайтида оғир ўйинлар смартфон компонентларининг тез ишдан чиқишига олиб келиши мумкин. Шу билан бирга, ҳаво айланишига имкон берадиган ғилофлардан фойдаланиш тавсия этилади.

Хотирани тозалаш смартфон тезлигини сезиларли оширади. Кераксиз илова ва файлларни ўчириш, медиа материалларни булут сақловчига кўчириш, браузер кешини тозалаш қурилма ишлашини енгиллаштиради. Ушбу йўналишдаги 2025 йилги сўровнома ўртача фойдаланувчида юздан ортиқ илова борлигини, аммо шуларнинг атиги 15 таси мунтазам ишлатилишини кўрсатган. Хотиранинг тўлиб қолиши эса қурилма тезлигини пасайтириши мумкин.

Янгиланишларни ўз вақтида ўрнатиш ҳам муҳим ҳисобланади. Бу орқали хавфсизлик янгиланади, батарея тежалади ва дастурий таъминот барқарор ишлайди. Қурилмани ҳафтасига бир марта қайта ишга тушириш ҳам тизимни тозалашга ёрдам беради.

Жисмоний зарбалар смартфон умрини энг тез қисқартиради. Мустаҳкам қоплама, экран муҳофазаси ва доимий тозалаш қурилмани сақлашда катта аҳамиятга эга.

Шунингдек, орқа фонда ишлайдиган иловалар батарея қувватини яширин равишда тезроқ сарфлайди. Улар фаолиятини чеклаш, авто-янгиланишни ўчириш ва кераксиз вазифаларни тозалаш батарея умрини узайтиради.

Wi-Fi тармоғидан фойдаланиш мобил интернетга нисбатан камроқ энергия сарфлайди. Хотиранинг тўлиб қолиши эса қурилма тезлигини пасайтириши мумкин.

Хулоса қилиб айтганда, смартфонни икки йил ва ундан ортиқ муддат «янгидек» ҳолда ишлатиш учун қиммат таъмир ёки махсус билим талаб этилмайди — асосийси, ҳар кунлик тўғри фойдаланиш одатларига амал қилишдир.