Starlink’ка рақобатчи: Amazon ўз сунъий йўлдош интернет тармоғини ишга туширмоқда

Бугун 10:30821

Amazon ўзининг узоқ йиллик Project Kuiper сунъий йўлдош интернет ташаббусини янги номда — Amazon Leo сифатида қайта ишга туширди. Компания 2026 йилгача Ер атрофидаги паст орбиталарга 3000 та сунъий йўлдошни жойлаштиришни мақсад қилган.

Starlink’ка рақобатчи: Amazon ўз сунъий йўлдош интернет тармоғини ишга туширмоқда

Amazon Leo номи LEO — Low Earth Orbit (паст Ер орбитаси) тушунчасига ишора қилади ва лойиҳа айнан мана шу орбиталарда фаолият юритади. Бу ребрендинг Amazon’нинг интернет хизмати йўналишида тижорий босқичга ўтишга тайёр эканини кўрсатади.

Лойиҳа интернетга чиқиш имконияти чекланган чекка ва қишлоқ ҳудудларига юқори тезликдаги алоқа хизматини тақдим этишни кўзлайди. Ҳозиргача 6 та космик парвоз амалга оширилиб, жами 72 та сунъий йўлдош орбитага чиқарилган. 2026 йил охиригача бу кўрсаткични 3000 тага етказиш режалаштирилган.

Amazon Leo тўғридан-тўғри SpaceX’нинг Starlink тармоғи билан рақобатга киришади. Бироқ ҳозирча Amazon ўзининг тижорий интернет хизматини ишга туширмаган. Илк фойдаланувчи синовлари 2025 йил охирида, оммавий ишга туширилиши эса 2026 йилда режалаштирилган.

Компания баёнотига кўра, Amazon Leo номи орқали брендни содда, осон тушуниладиган ва бутун дунёда тан олинадиган шаклга олиб чиқиш мақсад қилинган. Бу ўзгариш технология инфратузилмаси тайёр эканини ҳамда фойдаланувчилар учун янги босқич бошланганини англатади.

Теглар

Amazon интернет сунъий йўлдош Starlink Leo

Мавзуга оид

13.11.2025 | 20:15

Туркиялик ҳакамлар ва футболчилар жазоланди

Туркия футбол федерацияси спорт гаровларида қатнашгани аниқланган 102 нафар футболчига нисбатан интизомий чоралар қўллади.

14.11.2025 | 16:55

Энг йирик метро тармоқларига эга 10 та давлат

Дунёда 180 дан ортиқ шаҳарлар ўз метро тизимларига эга. Аҳоли зичлиги ортиб бораётган мегаполислар учун метро нафақат тезкор транспорт воситаси, балки тирбандлик ва экологик босимни камайтиришда ҳал қилувчи инфратузилма сифатида қаралмоқда.

Кеча 19:45

Зеленскийнинг имижига зарба: коррупция иши унинг яқинларини қамраб олмоқда — NYT

Украина аҳолиси учун энг алам қиладигани — миллионлаб одамлар Россия ҳужумлари оқибатида кундалик электр ўчирилишлар билан қийналиб яшар экан, ана шу энергетика компаниясида ўғрилик содир бўлганидир.

10.11.2025 | 12:55

АҚШ Сенати ҳукумат фаолиятини тиклаш тўғрисидаги қонунни маъқуллади

39 кунлик рекорд шатдаунга чек қўйиш учун АҚШ Сенати янги бюджет асосини тасдиқлади. Энди ҳужжатни Конгресс ва президент Трамп тасдиқлаши керак.

11.11.2025 | 09:45

Аҳмад аш-Шаръа 1946 йилдан бери Оқ уйга ташриф буюрган биринчи Сурия раҳбари бўлди

Трамп яқинда Аҳмад аш-Шаръани "ҳозирча жуда яхши ишлаётганини" ва АҚШ санкцияларни юмшатганидан бери "Сурия билан кўп ютуқларга эришилганини" айтганди.

12.11.2025 | 20:55