Сунъий интеллект яратган қўшиқ Billboard’ни забт этди
Сунъий интеллект ёрдамида яратилган Breaking Rust тарихда илк бор Billboard’нинг country йўналишидаги рақамли сотувлар рейтингида 1-ўринга чиқди.
АҚШнинг машҳур Billboard чартларида тарихий воқеа қайд этилди — Breaking Rust номли сунъий интеллект томонидан яратилган «қўшиқчи»нинг «Walk My Walk» қўшиғи Country Digital Song Sales рейтингида биринчи ўринни эгаллади. Бу ҳолат АҚШда СИ томонидан яратилган мусиқа илк бор расмий чартда етакчига айланганини англатади.
Мусиқа дунёсида турли платформа ва радиоларни ларзага келтирган бу қўшиқ 3,5 млн маротаба тингланган. Fransaдаги мусиқа платформаси ўтказган сўровда, одамларнинг 97 фоизи сунъий ва ҳақиқий мусиқани фарқлай олмагани қайд этилган. Breaking Rust шу тариқа рақамли санъат асридаги илк «СИ юлдуз»га айланмоқда.
Бу ҳолат илк марта кузатилмаяпти. 2024 йил сентябрида Xania Monet номли яна бир «СИ санъаткор» — «Let Go, Let Go» (Gospel, 3-ўрин) ва «How Was I Supposed To Know» (R&B, 20-ўрин) қўшиқлари билан Billboard’га кирганди. У Telisha «Nikki» Jones томонидан яратилган бўлиб, миллионлаб долларлик шартномаларга эга бўлди.
Breaking Rust ҳақида маълумотлар жуда кам — фақатгина Instagram’даги саҳифасида 43 минг нафар обуначига эга.
