«Telegram»да зарарли дастурларни сотиш билан шуғулланган шахс қўлга олинди

Бугун 17:171 дақиқа
ЎЗБEКИСТОН
|
Фирибгарлик
|
Шахслар

Тошкент вилоятида 2005 йилда туғилган фуқаро томонидан яратилган зарарли APK дастурларни сотиш ҳолати аниқланиб, унга нисбатан жиноят иши қўзғатилди.

«Telegram»да зарарли дастурларни сотиш билан шуғулланган шахс қўлга олинди © t.me/xavfsizlik_uz

«Telegram»да зарарли APK дастурларни сотиш билан шуғулланган шахс қўлга олинди. Бу ҳақда ДХХ ахборот хизмати хабар берди.

Маълум бўлишича, Тошкент вилоятининг Чирчиқ шаҳрида яшовчи 2005 йилда туғилган фуқаро ўзи яратган зарарли APK дастурларини «Telegram» мессенжери орқали сотиш билан шуғулланган. У ушбу дастурларни 100 мингдан 300 минг сўмгача бўлган нархларда камида ўн нафар фойдаланувчига тарқатган.

Тергов материалларига кўра, гумонланувчи нафақат дастурларни сотган, балки уларни харид қилган шахсларга техник ёрдам ҳам кўрсатган. Жумладан, дастурлардан фойдаланиш жараёнида юзага келган муаммолар бўйича маслаҳат бериб, уларнинг самарали ишлашини таъминлашга ҳаракат қилган.

Мутахассислар таъкидлашича, мазкур зарарли дастурлар орқали бошқа фуқароларнинг «Telegram» аккаунтларига рухсатсиз кириш, телефондаги SMS хабарларни ўқиш ва ҳатто тўлов тизимларидаги пул маблағларини ўзлаштириб олиш имкони мавжуд бўлган.

Аниқланишича, ушбу шахс «Telegram» платформасида бешдан ортиқ гуруҳ ва каналларни бошқариб, улар орқали зарарли дастурларнинг имкониятларини мунтазам тарғиб қилиб келган.

Тезкор тадбир давомида гумонланувчидан «Asus ExpertBook» ноутбуки, “Redmi Note 10 Pro» смартфони, қаттиқ диск ҳамда банк пластик карталари ашёвий далил сифатида олинди.

Ҳозирда мазкур ҳолат юзасидан жиноят иши қўзғатилиб, тергов ҳаракатлари олиб борилмоқда. Масъул идоралар фуқароларни киберхавфсизлик қоидаларига амал қилишга чақирмоқда.

Теглар

телеграмДХХкиберхавфсизликЧирчиқжиноятAPK

Мавзуга оид

Қамчибек Ташиев давлат тўнтаришига уринишда айбланди
Бугун 12:35

Қамчибек Ташиев давлат тўнтаришига уринишда айбланди

Қурманкул Зулушев ва Нурланбек Тургунбек уулу ҳам иш фигурантлари сифатида тилга олинмоқда.

Фарғонада бир қатор ҳудудларга янги ҳокимлар тайинланди
Кеча 22:28

Фарғонада бир қатор ҳудудларга янги ҳокимлар тайинланди

Фарғона вилоятининг Бешариқ, Ўзбекистон тумани ва Марғилон шаҳрида раҳбарлар алмашди.

Фарғонада 300 миллион долларлик 50 та туризм лойиҳаси ишга туширилади
Кеча 18:50

Фарғонада 300 миллион долларлик 50 та туризм лойиҳаси ишга туширилади

Президент Фарғона вилоятида туризм салоҳияти юқори эканини таъкидлаб, хорижий сайёҳлар оқимини бир неча баробар ошириш бўйича аниқ вазифалар белгилади.

Ноқонуний пуллар айланмаси: контрабандадан тортиб солиқдан қочишгача
Кеча 18:47

Ноқонуний пуллар айланмаси: контрабандадан тортиб солиқдан қочишгача

Дунё бўйлаб ҳар йили триллионлаб доллар ноқонуний йўллар билан айланади. Хусусан, наркотик савдоси, коррупция, контрабанда, фирибгарлик — булардан тушган пуллар қандай қилиб банк тизимига кириб, гўёки қонунан “тоза” пулга айланади?

7 миллионга яқинлашган ўртача иш ҳақи, экологияга 8,5 миллиард сўмдан ортиқ зарар ва ҳар учтадан биттаси ажралиш билан тугаётган никоҳлар — 28-апрел дайжести
Кеча 23:03

7 миллионга яқинлашган ўртача иш ҳақи, экологияга 8,5 миллиард сўмдан ортиқ зарар ва ҳар учтадан биттаси ажралиш билан тугаётган никоҳлар — 28-апрел дайжести

Кун давомида Ўзбекистонда юз берган воқеалар ва ҳодисалар, ёритилган янгиликлар ва хабарларнинг энг муҳимларини яна бир бор эсга оламиз.

АҚШда Трамп тасвири туширилган паспортлар чиқарилади
Бугун 15:15

АҚШда Трамп тасвири туширилган паспортлар чиқарилади

АҚШ мустақиллигининг 250 йиллиги муносабати билан Доналд Трамп тасвири туширилган махсус паспортлар чекланган миқдорда ишлаб чиқарилиши маълум қилинди.