Тожикистонда инфляция тезлашди: етти ойда нархлар 2,6 фоизга ошди

Тожикистонда 2026-йилнинг январ–июл ойларида истеъмол нархлари 2,6 фоизга ошди. Бу ҳақда Статистика агентлиги хабар берди.

Ўтган йилнинг шу даврида нархлар 2 фоизга ошган эди. Демак, инфляция 0,6 фоиз пунктга тезлашган. Бу йил етти ой давомида энг кўп хизматлар, ёнилғи-мойлаш материаллари, мевалар ва айрим сабзавотлар қимматлаган. 2026-йилнинг январ–июл ойларида истеъмол нархлари умумий ҳисобда 2,6 фоизга, ноозиқ-овқат маҳсулотлари 2,1 фоизга, пуллик хизматлар эса 3,8 фоизга қимматлаган.

Ўтган йилги кўрсаткичлар бироз бошқача бўлган. 2025-йилнинг январ–июл ойларида истеъмол нархлари 2 фоизга ошган. Ўша даврда озиқ-овқат маҳсулотлари 3,2 фоизга, хизматлар 3,5 фоизга қимматлаган, ноозиқ-овқат маҳсулотлари эса 0,1 фоизга арзонлаган.

Шундай қилиб, 2026-йилда етти ой ичидаги умумий нархлар ўсиши ўтган йилга нисбатан юқори бўлди. Бунга, асосан, ноозиқ-овқат маҳсулотлари ва хизматларнинг сезиларли даражада қимматлагани сабаб бўлган.

Қимматлаган маҳсулотлар:

Суюлтирилган газ — 35,8 фоизга;
Дизел ёнилғиси — 48,9 фоизга;
Бензин — 19,2 фоизга.