Тошкент клубида чуқур инқироз: «Бунёдкор» пул йўқлиги сабаб Навоийга бора олмади

Бугун 21:321 дақиқа

Клуб «Қизилқум»га қарши 30 июл кунги ўйинда иштирок этиш учун йўл чиптаси, меҳмонхона ва овқатланиш харажатларига пул тополмаган.

Тошкент клубида чуқур инқироз: «Бунёдкор» пул йўқлиги сабаб Навоийга бора олмади

«Бунёдкор» Суперлиганинг 15-туридан ўрин олган «Қизилқум»га қарши учрашувда иштирок эта олмаслигини Профессионал футбол лигасига расман маълум қилди. Мазкур ўйин 30 июл куни Навоий шаҳрида ўтказилиши режалаштирилган эди.

ПФЛ маълумотига кўра, клуб Лигага йўллаган хатда оғир молиявий аҳвол туфайли жамоани сафарга юбориш имкони йўқлигини билдирган. Хусусан, йўл чипталари, меҳмонхона харажатлари ва делегация аъзоларининг овқатланиши учун маблағ мавжуд эмаслиги қайд этилган.

Аввалроқ жамоа бош мураббийи ва бир қатор футболчилар ҳам бир неча ойдан бери маош олмаётгани ҳамда клуб базасида жиддий муаммолар мавжудлигини очиқ айтган эди.

Техник мағлубият ёзилади

ПФЛнинг билдиришича, Суперлига регламентига мувофиқ, «Қизилқум» — «Бунёдкор» учрашувида иштирок этмаган меҳмон жамоага техник мағлубият ёзилади.

Шу билан бирга, агар мавсум давомида бундай ҳолат яна бир марта такрорланса, «Бунёдкор»ни Суперлига мусобақасидан четлаштириш масаласи Лига Ижроия қўмитаси муҳокамасига киритилади.

ПФЛ, шунингдек, «Қизилқум» — «Бунёдкор» учрашувини ташкил этиш билан боғлиқ барча ташкилий ишлар тўхтатилганини маълум қилди.

Теглар

футбол «Бунёдкор»Суперлига «Қизилқум»ПФЛ техникмағлубият

Мавзуга оид

Бугун 20:47

Ўзбекистон ва Қирғизистон пенсия таъминоти бўйича янги битим имзолади

Ҳужжатга кўра, энди икки мамлакатда ишлаган фуқароларнинг стажи инобатга олинади ва улар бошқа давлатга кўчган тақдирда ҳам пенсия олиш имконияти сақлаб қолинади.

Бугун 16:08

Ўзбекистон ва Қирғизистон савдо айланмасини 2 млрд долларга етказмоқчи

Сўнгги йилларда икки давлат ўртасидаги ўзаро товар айирбошлаш ҳажми қарийб 10 баробарга ошиб, ўтган йил якуни билан 1,2 млрд долларга етди.

Бугун 18:38

«Тоштурма»да неча киши сақланмоқда?

Vaqt.uz журналисти Тошкент вилоятининг Зангиота туманида жойлашган ИИВ ҳузуридаги Жазони ижро этиш департаменти Марказий тергов ҳибсхонаси шароитлари билан танишиш учун ушбу муассасага борди. Журналист ташриф давомида у ерда қанча киши сақланаётгани билан қизиқди.

Бугун 17:55

Семизлик ва 2-турдаги қандли диабетга қарши «Sejaro» препарати Ўзбекистонда давлат рўйхатидан ўтказилди

ЖССТ ҳамда Санэпидқўмита маълумотларига кўра, Ўзбекистонда катта ёшли аҳолининг 64 фоизи ортиқча тана вазнига эга, ҳар бешинчи киши эса семизликдан азият чекади.

Бугун 18:20

«Халқ банки» реклама ва креатив хизматлар учун 15 млрд сўмдан ошиқ тендер ўтказмоқда

Маблағнинг қарийб 10 млрд сўми банк маҳсулотларини ТВда реклама қилишга йўналтирилади. Яна 4,2 млрд сўмга креатив платформа ва видеороликлар ишлаб чиқиш, 925 млн сўмга эса Тошкентдаги LED экранларга реклама жойлаштириш режалаштирилган. Техник топшириқларда айрим бир-бирига мос келмайдиган талаблар ҳам бор.

Бугун 19:55

Paynet ярим йилда 615 млрд сўм соф фойда олди

Компаниянинг соф фойдаси бир йилда 3,1 баравар ошган. Бироқ 615,5 млрд сўмлик фойданинг 321,1 млрд сўми — ярмидан кўпи Humo’дан олинган дивиденд ҳисобига шаклланган.