Туркия компанияси Coca-Cola Uzbekistan’нинг тўлиқ эгасига айланган

Бугун 20:462 дақиқа

Coca-Cola Uzbekistan тўлиқ сотиб олинди. TXIF-2026 да Туркиянинг “Anadolu Group” холдинги компаниянинг қолган улушини ҳам қўлга киритиб, ягона эгага айланганини маълум қилди.

Туркия компанияси Coca-Cola Uzbekistan’нинг тўлиқ эгасига айланган

Туркиянинг “Anadolu Group” холдинги Coca-Cola Uzbekistan компаниясига тўлиқ эгалик қилаётгани маълум бўлди. Бу ҳақда Vaqt.uz иштирок этган, V Тошкент халқаро инвестиция форумида (TXIF-2026) бўлиб ўтган Туркия—Ўзбекистон бизнес форумида айтилди.

Форумда Туркиянинг “Anadolu Group” холдинигининг Ўзбекистон бўйича маслаҳатчиси Эзел Ағаоғли қатнашди ва битим тафсилотлари ҳақида гапириб берди.

Coca-Cola Uzbekistan’нинг 57,1 фоиз улуши 2021 йилда Туркиянинг Coca-Cola İçecek A.Ş. компанияси томонидан 252 млн долларга сотиб олинганди. Coca-Cola İçecek A.Ş. “Anadolu Group” холдинги таркибидаги компаниялардан бири ҳисобланади.

Эзел Ағаоғлининг таъкидлашича, “Anadolu Group” кейинчалик қолган 42,9 фоиз улушни ҳам сотиб олган. Шундан бери компаниянинг Ўзбекистонга киритган инвестициялари ҳажми 550 млн доллардан ошган.

Бундан ташқари, холдинг “Anadolu Isuzu” компанияси (SamAuto бренди) орқали 80 млн доллардан ортиқ сармояни ҳам амалга оширгани қайд этилди. Туркия компанияси вакилининг маълум қилишича, “Anadolu Group”нинг режаларидан Ўзбекистонда экотизим ташкил қилиш ҳам ўрин олган.

Маълумот учун, Coca-Cola Uzbekistan компаниясининг 57,1 фоиз улуши 252 млн долларга хусусийлаштирилгани Ўзбекистон учун энг йирик битимлардан бири бўлганди.

Coca-Cola Ўзбекистонда даромадини кўпайтирмоқда

Coca-Cola, Fanta, Bonaqua ва Sprite каби ичимлик брендларига эгалик қилувчи Coca-Cola Ichimligi Uzbekistan’нинг соф фойдаси 2025 йилда 1,15 трлн сўмни ташкил этган.

Бу даврда компания даромади 40 фоизга ўсиб, 7,6 трлн сўмга етди. Шунингдек, 2025 йилда Coca-Cola’нинг Ўзбекистондаги йиллик ўсиш суръати 33,7 фоизни ташкил этиб, умумий ҳажм 220 млн донага етди.

Бу компания кунига ўртача 602 минг 740 дона ичимлик сотиб, 20 млрд 821 млн сўм даромад олганини англатади.

Теглар

Coca-Cola соф фойда хусусийлаштириш TXIF

Мавзуга оид

Бугун 15:15

Шавкат Мирзиёев АҚШ Эксимбанки раиси билан учрашди

Учрашувда энергетика, инфратузилма, рақамлаштириш ва сунъий интеллект соҳаларидаги қўшма лойиҳаларни жадаллаштириш масалалари муҳокама қилинди.

Бугун 18:10

Ўзбекистонликлар ҳамон энг кўп коммунал хизматлар нархи ошишидан хавотирда

Май ойида аҳоли ва тадбиркорларнинг инфляцион кутилмалари пасайишда давом этган бўлса-да, коммунал хизматлар ҳамда ёқилғи-энергия нархларининг қимматлашишига оид хавотирлар сақланиб қолмоқда.

Бугун 17:30

Сўнги 5 ойда 5 миллиондан ортиқ сайёҳ Ўзбекистонга ташриф буюрди

Туристлари энг кўп келган ТОП-10 давлатлар қаторида Ғарбий Европа давлатларидан бири Германия ҳам қайд этилди. Ушбу мамлакатдан жами 18 291 нафар сайёҳ келган.

Бугун 20:30

Яроқлилик муддати ўтган маҳсулотларни сотганлик учун жарималар оширилади

Ўзбекистонда яроқлилик муддати ўтган ҳамда ишлаб чиқарилган санаси кўрсатилмаган озиқ-овқат маҳсулотларини сотганлик учун жарималар миқдори оширилади. Бу ҳақда Қонунчилик палатаси мажлисида биринчи ўқишда қабул қилинган янги қонун лойиҳасида маълум қилинди.

Бугун 16:40

МБ асосий ставкаси: иқтисодчилар эртанги қарор ҳақида нима дейди?

17 июн куни Марказий банк асосий ставка бўйича қарор қабул қилади. VAQT.UZ иқтисодчиларнинг эртанги йиғилиш бўйича прогнозларини жамлади.

Бугун 17:10

Корхоналар сони ярим миллиондан ошди : сўнги 3 ой натижалари нимани кўрсатмоқда?

Ўзбекистонда 2026 йилнинг май ҳолатига кўра, корхона ва ташкилотлар сони ярим миллиондан ошди. Ҳудудлар кесимида энг юқори кўрсаткич Тошкент шаҳрида қайд этилди.