Туркманистонда янги ўрмон дастури тасдиқланди

Кеча 18:501 дақиқа

Мамлакатда аввал амал қилган миллий ўрмон дастури тажрибаси асосида 2026–2030 йилларга мўлжалланган янги экологик стратегия қабул қилинди.

Туркманистонда янги ўрмон дастури тасдиқланди

2026 йил 2-июн куни Туркманистон президенти Сердар Бердимухамедов томонидан 2026–2030-йилларга мўлжалланган Миллий ўрмон дастури ҳамда уни амалга ошириш режаси тасдиқланди. Бу ҳақда ТДХ давлат ахборот агентлиги хабар берди.

Ҳужжатга кўра, дастур атроф-муҳитни муҳофаза қилиш соҳасида давлат сиёсатининг ҳуқуқий асосларини мустаҳкамлаш, иқлим ўзгариши таъсирини камайтиришга қаратилган асосий йўналишларни белгилаш ҳамда экотизимлар ва ўрмон хўжалигининг иқлим ўзгариши оқибатларига бардошлилигини ошириш мақсадида қабул қилинган.

Шунингдек, дастур Туркманистоннинг иқлим ўзгариши бўйича миллий стратегиясини амалга оширишга хизмат қилиши таъкидланади.

Олдинги дастур

Бунгача мамлакатда 2021–2025-йилларга мўлжалланган Миллий ўрмон дастури амал қилган. У Туркманистоннинг табиий ва иқлим шароитларини ҳисобга олган ҳолда ўрмон майдонларини кенгайтириш, табиий ресурслардан оқилона фойдаланиш ҳамда мамлакат томонидан ратификация қилинган халқаро экологик конвенциялар ва дастурлар доирасидаги мажбуриятларни бажариш мақсадида ишлаб чиқилган.

Теглар

Туркманистон давлат дастури ўрмон сиёсати экология иқлим стратегияси

Мавзуга оид

Кеча 18:46

Тожикистон электрининг 95 фоизини ГЭСларда ишлаб чиқаряпти

Тожикистоннинг йиллик гидроэнергетика салоҳияти 527 миллиард киловатт-соатга баҳоланмоқда, аммо ҳозирча бу имкониятларнинг фақат 4 фоизи ўзлаштирилган.

01.06.2026 | 17:41

Қозоғистон Эрон урани масаласида кўмак таклиф қилди

Остона атом энергиясидан тинч мақсадларда фойдаланишни қўллаб-қувватлашини маълум қилиб, Эрон урани билан боғлиқ эҳтимолий қарорлар МАГАТЭ ва халқаро келишувлар доирасида қабул қилиниши кераклигини қайд этди.

02.06.2026 | 18:01

Тожикистонда Рақамли иқтисодиётни ривожлантириш бўйича кенгаш ташкил этилди

Кенгашга мамлакат президенти раислик қилади ва кенгаш рақамли инфратузилма, инновациялар ҳамда аҳолининг рақамли саводхонлигини ошириш масалалари билан шуғулланади.

01.06.2026 | 17:39

Қирғизистон калянхоналарни лицензиялаш орқали бюджет даромадларини оширишни режалаштирмоқда

Жамоат жойларида калян чекиш тақиқланган бўлса-да, соҳадаги бизнес амалда фаол ишламоқда. Шу боис Қирғизистон расмийлари уни лицензиялаш ва давлат назоратига олиш масаласини кўриб чиқмоқда.

01.06.2026 | 17:37

Ўзбекистоннинг Тожикистон билан товар айирбошлаш ҳажми 50 фоиздан ортиқ ўсди

Қўшни давлат Ўзбекистондан нималар сотиб олаётгани ва Ўзбекистонликлар улардан нималар импорт қилаётгани маълум бўлдти.

02.06.2026 | 18:02

Қозоғистонда энди сунъий интеллект давлат органлари фаолиятини кузатиб боради

9-июндан кучга кирадиган янги қоидаларга мувофиқ, Қозоғистон давлат органлари фаолияти махсус функционал таҳлил модули ва сунъий интеллект ёрдамида баҳоланади.