Turkmanistonda yangi o‘rmon dasturi tasdiqlandi
Mamlakatda avval amal qilgan milliy o‘rmon dasturi tajribasi asosida 2026–2030 yillarga mo‘ljallangan yangi ekologik strategiya qabul qilindi.
© Туркманистон давлат нашриёт хизмати2026 yil 2-iyun kuni Turkmaniston prezidenti Serdar Berdimuxamedov tomonidan 2026–2030-yillarga mo‘ljallangan Milliy o‘rmon dasturi hamda uni amalga oshirish rejasi tasdiqlandi. Bu haqda TDX davlat axborot agentligi xabar berdi.
Hujjatga ko‘ra, dastur atrof-muhitni muhofaza qilish sohasida davlat siyosatining huquqiy asoslarini mustahkamlash, iqlim o‘zgarishi ta’sirini kamaytirishga qaratilgan asosiy yo‘nalishlarni belgilash hamda ekotizimlar va o‘rmon xo‘jaligining iqlim o‘zgarishi oqibatlariga bardoshliligini oshirish maqsadida qabul qilingan.
Shuningdek, dastur Turkmanistonning iqlim o‘zgarishi bo‘yicha milliy strategiyasini amalga oshirishga xizmat qilishi ta’kidlanadi.
Oldingi dastur
Bungacha mamlakatda 2021–2025-yillarga mo‘ljallangan Milliy o‘rmon dasturi amal qilgan. U Turkmanistonning tabiiy va iqlim sharoitlarini hisobga olgan holda o‘rmon maydonlarini kengaytirish, tabiiy resurslardan oqilona foydalanish hamda mamlakat tomonidan ratifikatsiya qilingan xalqaro ekologik konvensiyalar va dasturlar doirasidagi majburiyatlarni bajarish maqsadida ishlab chiqilgan.
